孖生咁款！
藝人歐陽震華（Bobby）、田蕊妮和吳業坤在紅磡一間戲院為無綫新劇《誇世代》拍攝外景。劇中，與坤坤對調靈魂的Bobby，就以坤坤身體重新追求老婆阿田，破格大搞「姊弟戀」。笑言被坤坤「搞」的阿田，被問到婚後有否試過被「弟弟」追求，她即笑謂冇人夠薑：「啲弟弟都唔夠膽啦，我老公（杜汶澤）始終都係空手道黑帶！」又指與Bobby合作非常歡樂，提到Bobby經常講有味笑話，她即謂：「佢似乎仲有貨賣，暫時未使講呢啲住！（佢有冇改你花名？）冇喎，但成日唔記得我個名，我喺戲裏面叫凌潔茹，但唔知點解佢有一日叫我『柳月娥』（《東坡家事》角色，陳煒飾），仲要好認真咁講，搞到全場都大笑！」
Bobby和坤坤就以「孖生兄弟裝」到場，其中坤坤便對「姐弟戀」說法提出疑問，搞到Bobby忍不住謂：「你想講咩呀，母子呀？我話畀阿田聽，你死喇！」提到Bobby先後改坤坤花名作「Seven」和「Big鵰」，坤坤即笑謂：「有次去餐廳，個姐姐同我講『你巨鵰吖嘛！』」更笑指可以即場讓對方驗貨，搞到Bobby即謂：「我即刻驗都得！」令坤坤立即掩住下體，非常搞笑。而身為無綫福將的Bobby在拍攝現場亦時常對坤坤傾囊相授，甚有前輩風範。另外，坤坤上身的Bobby最近亦為劇集在西環揸住結他拍攝，吸引不少途人觀看。
來源 source: http://hk.on.cc
|
鍾意就快D Share啦！
|
|
|
