掃呢頁CODE去手機

2017年9月18日 星期一

【生意●劏場女超人】師奶連租北角死場14舖 自製百貨街谷返人流 __,超人,

北角商場「城市金庫」最為人熟悉的,莫過於是由歌手麥浚龍父親麥紹棠旗下公司於一二年收購,劏成超過三百個舖位出售的背景。今年四月有十一名小業主不滿發展商及 ...


北角商場「城市金庫」最為人熟悉的,莫過於是由歌手麥浚龍父親麥紹棠旗下公司於一二年收購,劏成超過三百個舖位出售的背景。今年四月有十一名小業主不滿發展商及地產代理作失實陳述,指說好的「麥浚龍宣傳」並沒出現,入稟高院要求解除買賣合約及索償;剛過去的八月,更有一名劏舖業主持貨四年,忍痛以蝕讓69%沽貨,成為該場蝕讓最大的個案。

於此業主連聲說悔、投資者聞風色變的經典死場內,卻有一名小女人默默幹起大事來;做了三十年零售、年過五十歲的楊秋霞(蕭太),心口掛著勇字地進駐「金庫」,由一五年只開一間演變成現時租下十四連舖、一手一腳打造起百貨街,現時月賺3萬,其利潤雖不高,卻賺盡人氣。「我算較早嚟呢個場,都希望成個地方可以做得起,呢啲唔知係咪叫使命感,總知想大家百花齊放。」

【生意●業主力撐】萬五蚊已租起14間舖 水樽榨汁機賣5千部

http://bit.ly/2ha8xyZ

呦贏老公 勇闖死場做戰士

從商場大門進入,直落一條電梯就能看到「根本家族」的身影,也聽到楊秋霞(蕭太)聲線雄亮地跟客人聊天。年過五十歲的蕭太有兩名子女,其中一名已大學畢業,擔子總算輕了一半,卻於此時被公司勸退。「我係做管理嗰邊,但公司可能覺得我紅褲子出身,學歷又唔夠,開始想慢慢淘汰我哋。」談起往事,蕭太依然聲線開朗。「機緣巧合下我朋友嘅哥哥喺呢到有個舖位,肯以低價一千蚊租俾我。」心動的蕭太,開始構思起第二門事業來。

「我老公話呢到真係太靜,做生意要有嘅五個P其中一個就係people(人流)。他話呢到人又無,地方明顯唔啱,點解唔搵街舖?」

在百麗集團打滾過的蕭太,卻篤信自己的眼光。「他又無諗過,街舖租貴,如果熱天冷氣壞咗又煩,電費又勁,我話唔得!街舖我輸唔起。」一番你爭我論,最後老公也不敵蕭太的堅持,支持她在此建立王國。

過了身邊人首關,也得要戰勝人煙實是稀少的恐懼。「開舖時個場嘅空置率應該有80至85%,基本上連餐廳都無間。」連日訪問,也總見數個熟客的身影經常出現,從小到大也住在附近的楊小姐便是其中一個。「呢個場轉手過好多次,以前有好多學習中心,又有好多人租舖當倉用。」蕭太手舞足動地形容:「好多人開舖發現無人流,就愈開愈晏,再由日日開變只開幾日,慢慢就會放棄舖頭只交租,出去打工,其實呢到唔係完全無客人,但個關係就如雞同雞蛋,啲人落過嚟無野行就唔會再落。」因此「根本家族」開業後全年無休,連農曆新年也照開舖,就算生意做得少,也總可跟客人「打牙骹過日辰」,到後來才改成一週休一天。

日本貨幫舖頭「省靚招牌」,但成本始終較高。「開頭會係三成日本貨,現時就保持有一成左右。」。蕭太指現時多賣了內地貨,但絕不淘寶,堅持直接問廠拎。「要有質量保證,我一定會搵供應商,呢個係我一直嘅宗旨。好多客話淘寶咩都有,但淘完收貨後有一半有問題,咁可以點?我做零售,更應要對客人負責任。」

開業資料:

15年12月(一間鋪)

16年4月(十三間鋪)

租金上期:$15,600

按金:$15,600

入貨:$250,000

裝修:$60,000

總投資:$341,200

營業資料 17年8月

營業額:$100,000

租金:$15,600

入貨:$50,000

雜費:$3,000

盈利:$31,400

撰文:黃綺敏

攝錄:關永浩

相關連結:

【生意●創業錦囊】日本有神秘批發中心 入貨要有橋

http://bit.ly/2h8PrwU

其他生意報導:

【生意●目標5年儲首期】洗米仔御准員工「秘撈」 80後IT男外賣月餅4月賺20萬

http://bit.ly/2enK2xu

【生意●月餅商機】IT男賣月餅硬撼HKTV 邊隻月餅最好炒?

http://bit.ly/2wrTKa7

【生意●創業貼士】網店寧做散客都唔好做水貨客 原因竟然係

http://bit.ly/2eJorQr

【生意●AR喜帖】360度煙花景 夫妻派帖變派到月賺13萬

http://bit.ly/2vTt6GK

【生意●多謝Pokemon Go】做埋職安健VR培訓 模擬員工被炸

http://bit.ly/2vOLySO

【生意●創業錦囊】不可閉門造車 「你鍾意唔代表個客鍾意」

http://bit.ly/2wsQ3Dh




來源 source: http://s.nextmedia.com
鍾意就快D Share啦!