掃呢頁CODE去手機

2017年9月18日 星期一

【獨家】今次易認好多 雷莊𠒇化行妝現身港鐵撩細路 __,港鐵,雷莊𠒇,

今年港姐三甲,你未必認到邊個係亞軍、季軍,但肯肯定冠軍雷莊𠒇(Juliette)個樣,你我他一定印象深刻。自從月初(3日)港姐選完後,冠軍Juliet ...


今年港姐三甲,你未必認到邊個係亞軍、季軍,但肯肯定冠軍雷莊𠒇(Juliette)個樣,你我他一定印象深刻。

自從月初(3日)港姐選完後,冠軍Juliette幾乎日日喺網絡上出現,身影同五官無處不在,雖然留言9成係惡評,不過網民依然樂此不疲將佢樣貌、言論無限放大,講曝光同話題性,應該係近呢幾年最有話題性嘅港姐人馬。

深入民心嘅後果,就係無論Juliette有化妝抑或素顏求其紮個髻出街,街坊、途人都輕易認出。繼日前佢冇乜化妝,喺尖沙嘴厚福街搵嘢食後。(新聞連結:http://bit.ly/2gJB7aa )周四(14日)晚上約7點,又有讀者鄭小姐透過《蘋果》 「爆相爆片」,見到雷莊兜着住橙紅色one-piece裙,化濃妝喺港鐵車廂出現。鄭小姐表示:「嗰陣見佢喺將軍澳綫過海,可能手上又拎住月餅同啲紙袋好狼狽嘅關係,所以佢一見到位,就走埋去坐。呢日佢就set咗頭同化咗妝,所以好易認出。當時佢隔籬坐咗一位媽咪同小朋友,見個媽咪認得佢,就同佢say hi,之後佢哋就全程用英文傾偈,見佢仲有撩個小朋友講嘢,又一齊selfie。」

鄭小姐仲話隠約聽到Juliette同嗰位媽咪講,自己原本想搭的士去中環,但因為驚塞車,所以最後選擇搭港鐵。

據鄭小姐所提供嘅相片,同第二日Juliette喺IG貼同關之琳嘅合照,條裙同髮型都一樣,估計當晚Juliette急住搭港鐵去中環,就係要趕去參加之之嘅生日飯局。



Juliette日前着得靚靚化行妝,搭港鐵出中環。拎住一袋二袋嘅佢,見有位就走過去坐。 (讀者提供圖片) Juliette同隔籬小妹妹Selfie。(讀者提供圖片)
當日Juliette着到紅噹噹,就算睇背影都好易認得出。(讀者提供圖片) 原來趕住去之之個生日飯局。(網上圖片) 個飯局仲有好多人出席,不過有網民就不解之之幾時同Juliette熟咗。(網上圖片)
原來Juliette同B哥鍾鎮濤個大女鍾嘉晴好老友,所以之之飯局,Juliette亦有出現。(網上圖片) 之前求其造型加冇乜化妝,確係好難認得出。(資料圖片) 原來去尖沙嘴搵嘢食。(資料圖片)

鍾意就快D Share啦!