掃呢頁CODE去手機

2017年9月18日 星期一

奪命電音節 連詩雅朋友暈低 周家蔚隊啤 __,家蔚,詩雅,連詩雅,周家蔚,

奪命電音節 群星勁High連詩雅朋友暈低周家蔚撇兩子隊啤解暑娛樂要聞【西九文化區】前日西九舉行電音節發生奪命慘劇,有觀眾昏迷送院後不治,送院觀眾尿液樣 ...




奪命電音節 群星勁High

連詩雅朋友暈低

周家蔚撇兩子隊啤解暑

娛樂要聞








【西九文化區】前日西九舉行電音節發生奪命慘劇,有觀眾昏迷送院後不治,送院觀眾尿液樣本驗出含毒品,警方重案組接手調查。當日有兩奪世界百大DJ排行榜首位的DJ Hardwell撐場,吸引連詩雅(Shiga)、王宗堯舊愛黎紀君、人妻周家蔚及梁靖琪(Toby)等朝聖。Shiga由下午蒲到天黑:「我都有朋友暈咗!」



【入場朝聖】

連詩雅前日孖黎紀君等友人到西九欣賞電音節,開場前眾人開心影合照。

西九文化區苗圃公園前日舉行電子音樂節「Ultra Music Festival」,有4人昏迷送院,其中一人死亡,警方在現場發現毒品;電音節除吸引大批20至30多歲的觀眾捧場,本報記者在現場亦發現不少藝人,喜愛夜蒲的連詩雅於下午4時許已現身,孖王宗堯舊愛黎紀君齊齊去蒲,着熱褲騷長腿的Shiga一副戰鬥格,可惜冇仔埋身,遇到幾個女性朋友就玩自拍,幾乎全程都是與黎紀君咬耳仔,有時就玩手機,似乎悶悶不樂。直至晚上7時許,最紅的DJ Hardwell出場,Shiga終於開始high,投入跳足半粒鐘。





【跳得興奮】

音樂響起,Shiga跳舞跳足半粒鐘。



【炒熱氣氛】

大批年輕人在電音節狂歡,情緒高漲。



連詩雅(左)昨出席活動時,直言其朋友前日在電音節暈倒。

攝影:仇志德

Toby滿場飛

除了Shiga,人妻周家蔚亦撇甩老公洪天明和兩子,跟好姊妹梁靖琪等男女友人捧場,兩人邊飲啤酒邊聽音樂,露背性感上陣的Toby更滿場飛,周家蔚就不停影相玩電話,還咬着啤酒膠杯撳手機,DJ Hardwell出場時眾人high爆跳舞,可能在公眾場所關係,兩人都蒲得好有自制能力,一杯啤酒飲到尾。

Shiga昨到觀塘出席ViuTV真人騷《Baby Rider》拍攝活動,被問到前日去西九電音節,她表示自己天黑就走了,因為天氣太熱。至於發生奪命慘劇,警方在場撿獲小量毒品,正調查是否有人濫藥。Shiga昨說:「我冇留意入面有冇人吸毒,不過場內有賣酒,我以為飲醉,大家聽到啲音樂都好興奮。我都有朋友暈咗,係因為太熱又焗,休息咗陣都冇事。」



【咬實杯酒】

周家蔚要撳手機,惟有用牙咬實杯啤酒。



【熱褲晒腿】

穿熱褲的Toby玩到晚上9時,十分盡興。



周家蔚撇低老公及兒子,前晚與好友Toby夜蒲西九。

「聽到好心痛」

身為兩子之母的周家蔚昨亦感慨說:「聽到咁嘅新聞都好心痛,以前去懲教署監獄見到啲小妹妹,未夠16歲,講番自己點解食毒品,連失禁都繼續食,大家一齊着尿片,其實佢哋都唔識得分別乜係好乜係壞,見到朋友做,自己就跟住做。」她覺得年輕人吸毒,家長亦有責任:「希望家長好好留意自己嘅小朋友,而最差係賣毒品畀佢哋嗰啲人,淨係為咗賺錢,唔會理一條寶貴生命。」

Toby前晚玩到9時許離去,對於現場有人死亡,她感愕然:「我又唔覺有啲人特別high,其實嗰度都幾焗,好多男仔都除晒上衫,我都一路飲好多水,反而少飲酒。」

電音節亦吸引何雁詩及陳瀅參與,何雁詩昨表示:「好可惜呀!現場好多人,特別係呢個天氣有啲焗。我入去嗰陣見到有人瞓咗喺張擔架床度俾人推出去,嚇咗一跳!」

採訪:嵐山、盧妹

攝影:畢紹基、孔志豪




鍾意就快D Share啦!