掃呢頁CODE去手機

2017年9月18日 星期一

【身世坎坷】金融海嘯屋企輸到喊 雷莊 __,

上次有讀者透過爆相爆片向《蘋果》提供今屆港姐冠軍雷莊𠒇(Juliette)不施脂粉喺尖沙嘴行街(新聞連結:http://bit.ly/2gJB7aa) ...


上次有讀者透過爆相爆片向《蘋果》提供今屆港姐冠軍雷莊𠒇(Juliette)不施脂粉喺尖沙嘴行街 (新聞連結:http://bit.ly/2gJB7aa ),報道一出後有唔少人話身為一個港姐冠軍,點解可以著得咁難睇,更有指佢拎冠軍全因老竇雷葆文喺商界有頭有面,後來更指佢奪冠係因為前男友Brandon Lim出手嘅結果,面對外界種種嘅懷疑同指摘,日前Juliette就接受傳媒訪問,一一解釋當中嘅因由。

雖然Juliette係雙料冠軍,但係外界對佢嘅冠軍名銜一直抱有懷疑,Juliette表示雖然爸爸係十大設計師,但係其實屋企冇外界想像中咁富有,佢話自己細個時家景的確唔錯,一切生活起居等都有人照顧,而且仲會有傭人幫手執頭執尾,不過08年嘅金融海嘯,Juliette嘅屋企就受到唔少嘅影響,令到佢哋失去咗部份物業,不過具體情況Juliette就話自己當時太年幼唔太清楚,只係知道爸爸好辛苦,而最終Juliette喺中學畢業後更選擇停學一年,自己打工賺夠學費先讀大學,更加為咗慳錢,只係用咗三年時間就讀完四年制嘅大學學位。

Juliette話當年嘅事對佢影響深遠,由不愁衣食到要自己幫補家計,雖然當時未叫做「窮」,但係前後兩者生活方式差別好大,令到佢更加獨立自主,Juliette話其實當年最唔開心唔係因為屋企冇錢,而係佢要同爸爸分隔兩地,自己喺加拿大,而爸爸就留港工作。

Juliette話以上嘅種種經歷令到佢比起以前更加成熟,對於外界話佢靠前男友奪冠,佢就一笑置之,更表示雖然大家已經分手,但係都係好朋友,大家都有關心對方,佢仲話明白傳媒需要報道新聞,話唔介意呢啲手法,自己有自信就夠。

而對於自己嘅衣著品味問題,Juliette就話自己時尚觸覺麻麻地,平時買衫都要朋友幫手,而且自己因為之前嘅經歷,會偏向揀夠平又夠靚,變相選擇就少咗,所以好多時都會簡簡單單著休閒裝,就算係做facial或者修甲等美容項目都係因為選美先去搞,而平時嘅花費都係自己負責,唔會隨便買衫做facial,只會當係獎勵自己送俾自己。



雖然Juliette係雙料冠軍,但係外界對佢嘅冠軍名銜一直抱有懷疑。(資料圖片) 08年嘅金融海嘯,Juliette嘅屋企就受到唔少嘅影響。(資料圖片)
Juliette就話自己時尚觸覺麻麻地,平時買衫都要朋友幫手。(資料圖片)

鍾意就快D Share啦!