掃呢頁CODE去手機

2018年1月20日 星期六

【狗仔出更】疑似秘婚老公現真身?譚玉瑛姐姐:我未結婚喎 __,譚玉瑛,

做足30年兒童節目嘅譚玉瑛姐姐,喺14年因為大台要將節目年輕化,於是譚玉瑛姐姐轉簽部頭約,其後佢轉型做綜藝節目主持,佢同李家鼎主持嘅飲食節目好歡迎再添 ...




做足30年兒童節目嘅譚玉瑛姐姐,喺14年因為大台要將節目年輕化,於是譚玉瑛姐姐轉簽部頭約,其後佢轉型做綜藝節目主持,佢同李家鼎主持嘅飲食節目好歡迎再添食,不過人氣旺自然令好多嘢都多咗人關心,嗰陣有報道話譚玉瑛姐姐有一個職業係做醫務化驗師、拍拖30幾年嘅初戀男友周震聲(Stephen)!

查實嗰陣有兩個說法,先係話譚玉瑛姐姐本身係不婚不育主義,所以佢哋喺愉景灣過同居生活,但係同時間又有另一個報道話佢哋喺20年前已經結咗婚,不過嗰陣相當低調,婚事只有家人先知道,事後有傳媒曾經向譚玉瑛姐姐了解佢嘅婚姻狀況,佢就以WhatsApp回應:「無論說甚麼都由它吧!」(新聞連結:http://bit.ly/2EV0xft)

噚日下晝大約4點左右,《蘋果》喺銅鑼灣見到譚玉瑛姐姐,嗰陣一行三人準備行去搭地鐵,其中一個疑係似係佢嘅傳聞中嘅秘婚老公,佢哋先坐地鐵去中環嘅香港站,之後再轉東涌線,不過同行嘅其中一個女友人喺中途落咗車,所以最後得番譚玉瑛姐姐同疑似係秘婚老公去到欣澳落車!

佢哋兩個喺欣澳準備坐專車返愉景灣,話晒譚玉瑛姐姐陪住唔少人成長,所以由佢哋搭地鐵開始,有唔少途人都眼望望,唔知係咪呢個原因,佢哋兩個全程都有啲避忌,亦唔多見佢哋傾偈,但係仍然有好強烈嘅老夫老妻感覺,好多嘢都好有默契!

事後有傳媒向譚玉瑛姐姐求證,相中男士係咪佢嘅先生?佢話:「哈哈!我未結婚喎!」再問咁係咪男友?譚玉瑛就姐姐就話:「多謝關心呀!」

精選娛聞,喺晒《娛果》

http://fb.com/appledailyent





攝影:徐錦池





雖然全程好避忌,但係仍然覺得係老夫老妻! 譚玉瑛姐姐話自己未結婚!
係咪男友?譚玉瑛姐姐話多謝關心!

一齊坐車返屋企?

鍾意就快D Share啦!