掃呢頁CODE去手機

2018年1月20日 星期六

冼國林升呢做億元導演 預埋徒弟陳嘉桓 __,陳嘉桓,冼國林,

一定好有睇頭!國藝娛樂老闆冼國林去年「登六」經歷不少,但一向樂天知命的他,面對順逆包括擔任主席的股票停牌,他都處之泰然!展望未來,冼國林與陳嘉桓(Ro ...


一定好有睇頭!


國藝娛樂老闆冼國林去年「登六」經歷不少,但一向樂天知命的他,面對順逆包括擔任主席的股票停牌,他都處之泰然!展望未來,冼國林與陳嘉桓(Rose)都非常看好,冼國林更有機會躍身億元導演,拍攝過億元之製作,當然他會預埋Rose份,兩師徒拍住上!

2017年對於冼國林來說,可謂充滿挑戰的一年,日前他與徒弟陳嘉桓接受訪問,談到去年,他首次做導演拍攝了電影《我們的6E班》,以六十歲之齡,入圍兩個國際影展「塞班國際電影節」、「馬來西亞國際電影人年展」的新進導演獎,雖然最終沒有獲獎,但對能夠由商界跳入影壇首次執導的他來說,成績相當不俗。

大卡士製作

冼國林亦覺得入圍是一個意外驚喜,他說:「能夠同一班優秀嘅年輕導演一齊入圍,我覺得好開心,因為證明我跟到時代,攞唔攞到獎唔重要,反而我覺得畀啲年輕導演攞仲好,因為佢哋係會喺呢行發展,個獎對佢哋嚟講比我重要,因為我只係業餘為興趣而拍。」

所謂有麝自然香,雖然未能在電影節取得殊榮,但冼國林執導的才華已經被發掘,最近更有電影公司找他拍攝一部億元大製作,由拍投資幾百萬的電影,躍身成為億元導演,當然身價倍升!冼國林說:「依家有兩套搵緊我,其中一套好大卡士,製作費超過一億元人民幣,依家十劃有六、七劃左右。」

對順逆睇得好化

冼國林一向疼錫Rose,而Rose去年拍攝網劇《反黑》時,演技亦愈見進步,師傅開戲當然會預埋她的份兒,Rose直言很期待與師傅合作,兩師徒拍住上!

去年喜事多籮籮,但人生總有高有低,去年十一月由冼國林擔任主席的「第一信用金融」被勒令停牌,這件看來是一件不愉快的事件,但冼國林卻有另一種看法,他說:「我依家對順逆睇得好化,停牌當然唔係好事,但我贊成證監會對上市公司嘅嚴格監管,佢哋咁做係一件好事,而我哋亦好有信心,只要律師解釋清楚之後,我哋好快可以復牌,唔會有太大影響。」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!