網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年1月4日 星期四

業主闢謠!連詩雅澄清冇欠租:已簽新約 __,詩雅,連詩雅,

連詩雅為欠租傳聞解話。現居於九龍塘筆架山的歌手連詩雅(Shiga)近日傳出租務問題,亦有指她媽媽被貼大字報。今日(4日)下午她接受無綫訪問,坦言很少回 ...


連詩雅為欠租傳聞解話。


現居於九龍塘筆架山的歌手連詩雅(Shiga)近日傳出租務問題,亦有指她媽媽被貼大字報。今日(4日)下午她接受無綫訪問,坦言很少回應這類型報道:「今次涉及比較嚴重嘅事情同涉及我屋企人,所以必須畀個回應大家。至於我媽咪工作上嘅報道,以我了解,係佢工作夥伴同佢有誤會而弄出嚟嘅惡作劇,我媽咪會交畀警方處理呢件事。」Shiga表示不太清楚媽媽的工作,但無論對方做甚麼都會百分百支持:「雖然佢個樣唔似,但畢竟佢都係70歲嘅婆婆,希望大家高抬貴手,畀啲空間同時間佢解決佢公司嘅問題。(好擔心?)係呀,我媽咪唔係幕前藝人,我被報道同被講,我理解,因為我係藝人,但我媽咪唔係,希望大家高抬貴手。」

啱啱簽新租約

至於其租務問題,Shiga則指與媽媽的報道沒關聯:「想澄清番呢件事,身邊有好多朋友、屋企人同粉絲都好擔心我。我好強調咁話畀大家聽,我冇拖欠任何租金。自己有唔啱或者處理得不當嘅地方,就係上一個租約完咗之後,我一路未簽新嘅租約,但我同業主不嬲都Keep住好友好嘅關係,好信任大家,我每個月都有準時交租畀佢。我一路都有搬嘅意願,但因為工作真係忙,要搵屋唔係簡單嘅事情,需要一啲時間,所以一路冇處理租約問題。直至最近好多報道同揣測,有好多不實報道,所以我同業主簽咗新嘅租約,業主都想知有冇嘢可以幫到我,所以喺大家同意之下拍咗片澄清沒有任何欠款。」

財政方面OK

Shiga用手機播出業主的片段,業主在片中說:「拖欠租金係冇其事,近呢3年Shiga除非出咗外(地),佢交租都好準。我承認呢個單位冇簽合約,因為大家信任,大家好朋友,但因為今次嘅事件,我哋今日補簽番合約,拖欠租金係謠傳。」Shiga拿出他們簽的臨時合約,證明她沒有拖欠租金。問到財政上有否問題?她說:「我嘅財政同生活方面冇問題,依家亦都好開心,繼續努力工作。(有位陳先生報料?)我唔認識佢,只可以回應番唔係事實,等大家明白係謠傳。」

公司名義租屋

另外有指有人幫她租這個單位,Shiga稱由頭到尾都是其名下的公司負責租約,她更拿出租約:「有列明係我本人嘅公司去租呢間屋,由始至終都係。對於其他人嘅說法,我都唔會再講乜嘢,呢個就係事實。」她指新租約同樣是她名下的公司所簽,沒有涉及第三者:「好想話畀我身邊嘅人聽,我真係好努力工作,大家唔需要太擔心我。(有咩嘢想同擔心你嘅人講?)真係好對唔住,令大家擔心,我平時真係好少回應呢啲事情,但今次涉及好多人,尤其是屋企人,所以必須解釋畀大家聽,好抱歉令朋友、屋企同粉絲擔心,大家唔需要擔心,我2018年會繼續努力工作。」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!