鄭嘉穎幫拖篩選劇本 戲屎陳凱琳憑《平安谷》翻身 [壹週刊 - 1456] __,凱琳,鄭嘉穎,嘉穎,陳凱琳,M1,

探熱針鄭嘉穎幫拖篩選劇本　戲屎陳凱琳憑《平安谷》翻身陳凱琳入行五年，近日憑新劇《平安谷之詭谷傳說》被網民大讚演技有進步。原來兩年前被黃秋生公開彈戲屎， ...

探熱針

鄭嘉穎幫拖篩選劇本　戲屎陳凱琳憑《平安谷》翻身

陳凱琳入行五年，近日憑新劇《平安谷之詭谷傳說》被網民大讚演技有進步。原來兩年前被黃秋生公開彈戲屎，在《巨輪 2》演養女又再被網民笑演得浮誇後，男友鄭嘉穎決定出手，開始幫拖篩選劇本，禁止她再接「爛劇」，對男友言聽計從的 Grace，在新劇演「讀番書」羅桂思終於有突破，一雪前恥。

愈睇愈順眼

無綫新劇集《平安谷之詭谷傳說》播了兩個星期，口碑收視一直向好，之前經常被指戲屎的陳凱琳飾演在美國長大，思想開放的羅桂思，更被讚演技大躍進，網民指是劇中最令人喜出望外角色，愈睇愈順眼。

「每次有新劇推出， Grace都會叫朋友俾意見，因為佢好想有進步，其實佢喺一班新人當中已經算勤力，開工前一定熟讀劇本，當然更會問男友意見，嘉穎每次會同佢分析角色，令佢有唔少啟發。今次套劇開播，嘉穎唔喺香港，唔可以第一時間俾到 feedback佢。不過嘉穎媽咪就應承會日日捧場，支持佢。」陳凱琳身邊人透露。

在《平安谷》演繹由美國回鄉的知識分子，被網民大讚演技大進步。

陳凱琳在《平安谷》中跟黃浩然做夫妻，受封建思想村民影響，二人要經過重重困難才結成夫妻。

跟男友在《殭》飾演一對，戲假情真，特別投入。

《張保仔》被指劇本出事，就算有好戲之人邵美琪助陣，都幫助不大。

黃秋生一度指陳凱琳在《張保仔》聲線滋擾，男友鄭嘉穎認為批評中肯，指女友演技有待改進。

在新劇《包青天》再飾演番邦妹，陳凱琳可謂駕輕就熟。

為女友解畫

鄭嘉穎跟陳凱琳拍拖三年，經常被問婚事外，女友每有新劇推出，鄭嘉穎都要被迫出來評審女友演技，尤其《巨輪 2》出街時，他更一度為女友解畫。「 Grace選美出身，冇上過演技班，喺電視台浸嘅時間又短，所以大家對佢嘅要求確係太高，嘉穎話 Grace冇可能一步登天，加上啲劇本有時好犯駁，大家愈睇愈覺得唔妥，連演員都拖累埋。」知情者說。

在《巨輪 2》被吳岱融強姦，對新人來說，確是向難度挑戰。

二人去年被拍到出外旅行，減少工作量的陳凱琳明顯是無壓力一身輕。

壓力大

據了解，為女友前途着想，鄭嘉穎年多前幫手篩選劇本，堅持女友接劇前要三思，見慣風浪的他，更叫女友要懂得過濾負評，專心工作。

「 Grace出道時，咁啱走咗好多花旦，佢的確多咗機會，好快孭正女一，但同時間俾人鬧戲屎，嘉穎唔想女友咁大壓力，所以年幾前開始幫佢睇劇本， Grace有排靜咗，好似冇嘢做，其實係男友喺後面發功，幫佢揀劇本，所以 Grace舊年唔算多產，淨係拍咗《平安谷》同客串《誇世代》，其餘時間都係做啲綜藝節目。」知情者說。

陳凱琳獲港姐冠軍後，即被無綫力捧。

跟鄭嘉穎公開情侶關係後，經常二人行到處去，早前孖住去探生 B後的賴慰玲。

《平安谷》一劇造就她跟譚凱琪、龔嘉欣和沈卓盈成為好友。

網民投訴

陳瀅太少戲

陳瀅這場由棺材爬起身的活生生埋葬戲，被網民大讚好有戲味。

《平安谷之詭谷傳說》有唔少靚女，其中陳瀅出現一週後，就極速同大家講拜拜，一班網民投訴女神太少戲。

在劇入面飾演青蘭的陳瀅，第一集已經遭村民活生生埋葬，陳瀅表示拍這場戲時，她真的要瞓在棺材。之後講述她由墓地爬出來，她說拍攝時已經是深夜，更有人造雨淋身：「身上有好多泥，我著住套裙褂，仲要爬番出嚟，真係好辛苦，同埋好驚。」陳瀅謂是拍劇以來最辛苦一次，不過被網民力讚，乜都抵番。

撰文、攝影：娛樂組

來源 source: http://hk.next.nextmedia.com

鍾意就快D Share啦！

下一篇 》