日日花時間練基本功，凌空踢腿絕對難不到 JuJu。
探熱針
衝動做未婚媽媽？陳鈺芸 JuJu好想生 BB
去年由港產片拍到去西片的打女陳鈺芸 JuJu，年頭忙到年尾無停手，事業開始走入直路之際，身邊總是缺少個 Mr Right做伴，撞啱身邊朋友個個結婚生仔，搞到 JuJu好有衝動生番個，有人追又唔願拍拖，唔通 JuJu想做未婚媽媽？
未婚媽媽？
目標明確要做打女的陳鈺芸，去年事業開始有眉目，年頭埋位拍陳果執導的《九龍不敗》，同張晉做對手戲後，緊接俾奧斯卡金牌監製中，邀請去美國拍《深宮怨靈》等幾部電影。成年做到有氣無定抖，所以 JuJu有個心願，「希望舊年拍戲的成績，今年可以見到！」咪睇 JuJu為人好動又愛郁手郁腳打功夫，其實她愛心爆棚，加上近年身邊的朋友陸續結婚生仔，搞到 JuJu好有衝動，「自己其實好想（生 BB），（你有拍拖咩？）都有人追嘅，希望遲幾年可以生 BB，教佢哋打功夫，當然大前提要遇啱有對象」
最緊要錫身
JuJu自細習武，功夫、柔道、跆拳、空手道等樣樣識，要她示範凌空踢腳、單腳踢、一字馬易如反掌，但又沒有幾多人知道，這一切是她多年辛苦經營的成果。「唔係話學一兩年，可以 keep到個水準一路咁好，我日日都練，慢慢日積月累，已經成為自己行路或者揸車的一部分，先至可以有呢個咁 smooth嘅效果。」 JuJu說。
基本的拉筋、踢腿練少日都會走樣，除咗勤練基本工，另一樣最緊張就是避免自己受傷，「以前唔識錫身，傷腰、傷腳，甚至被兵器誤傷眼角爆缸樣樣試過，直至幾年前參加跆拳道比賽嚴重受傷，焗住要養傷好一段日子， JuJu先醒覺錫身的重要性。「受咗傷，所有嘢變咗從頭再來過，要花好多時間先可以 pick up番，所以我而家除咗練好基本工外，就盡量小心唔俾自己受傷。」 JuJu苦口婆心說。
今年 JuJu將會回歸香港拍港產片外，還會創業撰寫個關於功夫的網站， schedule排到密麻麻，邊有時間去搵 Mr Right先？
富家女
現年二十九歲的陳鈺芸（ JuJu），紐約大學電視電影系碩士畢業，立志於電影界發展。 JuJu家境富裕，父親為跨國公司亞太區主席，身家過億，曾三度參選， 09年在「全美華埠小姐」選美中獲「 TVB人氣佳麗獎」， 10年再參選港姐卻中途退出。
09年， JuJu獲香港電台節目《窮富翁大作戰》邀請，參加 120小時板間房生活真人騷，體驗刻苦，其後推出個人勵志書《美麗是活出來》，探討貧富懸殊問題， 11年加盟輝皇娛樂，正式成為歌手，並推出首張個人唱片，近年主攻電影界，拍《臥虎藏龍 2》及恐怖片《深宮怨靈》。
撰文：娛樂組
攝影：蕭敬漁余一駱
設計：美術組
場地提供： TTFly Station
導師： Tiffany
|
鍾意就快D Share啦！
|
|
|