即上彩報世盃專頁：http://win.on.cc/football/cup2018/
巴西阿根廷德國法國西班牙，隊隊都吼實世界盃，打生打死場場都咬牙切齒，但唔係隊隊都為爭標，唔少球隊旨在參與，只要盡力踢每一仗，享受決賽周嘅分分秒秒，已經非常開心。好似史上首次踢世盃決賽周嘅巴拿馬，面對英格蘭半場已輸5粒，下半場一開始樣貌有點似曾志偉的巴拿馬領隊達里奧高美斯，靜雞雞走到修夫基隔離伸頭傾談，好多網民見到，都講笑話高美斯叫修帥畀巴拿馬入一粒，但事實上，高美斯究竟同對手主帥講咩呢？
「我同修夫基講，英格蘭表現好到加零一，簡直無人能擋，係一隊好美麗嘅球隊。半場時我突登走埋去恭喜修夫基，我仲同佢講自己好鍾意英格蘭。」雖然巴拿馬遙遙落後，可以話毫無勝機，但達里奧高美斯依然難掩欣賞之情，比緊賽都要去讚對手，睇到巴拿馬整支球隊，都係踢緊快樂足球，當巴拿馬「破蛋」入到第一球，球員球迷都開心到飛起。
有留意比賽的球迷都可見，達里奧高美斯整場比賽都「笑騎騎」，即時大落後都沒有特別憤怒，他擁有這個樂觀態度的背後經歷過沉重的傷痛，這位哥倫比亞籍教練大有來頭，結束球員年代的他退役後轉任教練，1994年便擔任祖國助教，由於當年哥倫比亞被視為熱門之一，全隊承受着極大壓力，後衞艾斯高巴對美國一戰擺烏龍令球隊輸1比2，兩連敗之後即使最後一輪贏瑞士亦逃不過出局命運。
全國後球隊被千夫所指，當時身為助教的達里奧高美斯亦被指責，而不幸的事終於發生，艾斯高巴回國後在酒吧被槍殺，令達里奧高美斯心如刀割，當所有職球員都想着會離開國家離開足球，但他已被委任為下屆（98年）帶領哥倫比亞出戰法國世界盃的領隊；而在98年世界盃哥倫比亞都在分組賽出局，他便離任。
自稱流着「足球的血」的達里奧高美斯隨後找到了自己的快樂天地，2002及2018年分別帶領厄瓜多爾及巴拿馬躋身世界盃決賽，為這兩個國家取得歷史。細數一下，達里奧高美斯連同助教生涯，共參與過五屆世界盃，他坦言今屆決賽周最難忘：「那種感覺就好似小朋友完成夢想。」
東網體育FB同你追實體壇每個精彩時刻！
http://bit.ly/2ecTF2A
|
鍾意就快D Share啦！
|
|
|