Lilian加入寫真戰！
靚女設計師簡幗儀（Lilian）今年推出第四本寫真散文集，內有逾三十個造型，除了水着騷事業線與波邊外，還有兔女郎造型晒長腿以及浴室濕身等場面。Lilian稱所有造型由她一手包辦，希望給人時尚感覺：「最性感係兔女郎，雖然唔係露好多肉，但整體感覺性感，有件黑色喱士泳衣嘅側面都開得低，唔止性感，仲好優雅。」
杜拜捱餓影相
她透露寫真主要在杜拜取景，再於香港補影，部分更是在其香閨拍攝。她稱杜拜之行尤其難忘：「我哋喺沙漠度影相，熱到就嚟中暑，加上當時杜拜係齋戒月，日照時間唔可以食嘢，肚餓都冇嘢食，公共地方飲水都唔得，冇餐廳開門，一定要返到酒店嗌外賣先有得食。」她坦言因為工作太忙，原本沒有計劃出寫真，後在出版社極力遊說下才同意：「我哋係超級密集咁由早到晚，影足兩個星期終於完成！仲多相過之前嗰幾本書，好有滿足感！」
來源 source: http://hk.on.cc
|
鍾意就快D Share啦！
|
|
|