【金庸逝世之神行百變】
【本報訊】金庸作品曾多次被改編成電視劇及電影，對華文世界有深遠影響。不少明星及導演，對金庸離世都顯示了不捨之情，好像劉德華對金庸為其電影命名一直心存感激，電視劇初代郭靖白彪則憶起當年金庸探班的經過，連導演彭浩翔亦表示將金庸作品改編為電影一直是其心願，可見金庸對娛圈多代人都影響甚深。
記者︰阮英維 陳月萍 戴彩煥
今年在杭州舉行、旨在推介網絡文化的2018西湖IP大會中，《神鵰俠侶》成為「20年中國影視文學作品榜」之首。
事實上，不少明星亦是靠演活金庸筆下角色上位，好像鄭少秋因為曾主演《書劍恩仇錄》及《倚天屠龍記》而成為一代大俠。秋官聞金庸死訊後坦言不舒服：「佢係我心目中一個敬仰嘅長輩 ，佢嘅武俠小說無人能及！我好榮幸能演出佢兩部作品。以前見過金庸先生，佢對人和藹，又有修養。佢永遠在我心中！」
| | |
劉德華︰捨不得佢走
至於曾主演金庸筆下楊過及康熙的劉德華，對金庸離世表示哀傷：「能夠演出他筆下角色楊過係一個緣份。當年成立『天幕』創業作《91神鵰俠侶》都係金庸老師將其小說給電影命名。佢嘅離世絕對是武俠世界一個大損失，捨不得佢走，願佢一路好走。」76年「初代楊過」羅樂林接受傳媒訪問時說︰「我未做楊過，已經好鍾意睇金庸小說，細個租小說嚟睇。我好榮幸當年可以演到楊過，當年自己新入行，演起嚟好吃力，我覺得每個演員做到七八成似已經好好。」
汪明荃亦曾主演《倚天》及《書劍》，阿姐表示：「佢好有才華，文學方面貢獻好大，又辦報紙。我覺得佢好叻，佢作品中有好多地方都未去過，但佢寫到好似親歷其境咁，而佢作品更加係影響住全世界華人地方。」在《書劍恩仇錄》飾演駱冰的李司棋亦感遺憾：「我一向都好崇拜佢，不過很遺憾無緣見一面，我好喜歡佢嘅文筆同描述愛情嘅細膩，希望佢一路好走。」
曾演出電影版《笑傲江湖》令狐沖的許冠傑，透過製作人蕭潮順表示懷念金庸︰「Sam多謝金庸創造咗令狐沖呢個角色，因為呢個角色而好多得着，亦有隻歌《滄海一聲笑》。」
香港電視史上第一部改編金庸的電視劇，是76年佳視的《射鵰英雄傳》，「郭靖」白彪說︰「當年金庸先生都有嚟探班，嗰時仲有小小意見畀我哋，佢話覺得選角方面，我同米雪都非常適合，郭靖係一個非常敦厚嘅人，有情有義。聽到個消息，我都好難過。」同樣演過郭靖的黃日華亦深感難過：「本人有幸擔演過《射鵰英雄傳》的郭靖及《天龍八部》的喬峰兩個角色，令我的演藝事業達上高𥧌。真的可以講句『沒有金庸就沒有黃日華』。一路走好、永遠懷念金庸先生。」張智霖在94年版本《射鵰》飾演郭靖，他表示榮幸並感激金庸：「作為讀者我亦好感謝佢為我哋帶來咁精采嘅武俠世界，希望佢一路好走，衷心感激。」
演活韋小寶一角的梁朝偉說：「我都係查先生嘅書迷，好幸運能夠演過佢筆下嘅人物。查先生一路走好。」而明年將開拍《鹿鼎記》的導演彭浩翔表示拍金庸是其心願：「作為睇佢書大嘅一代，對呢位小說巨人離世感到可惜。我覺得作為呢一代導演，拍一次金庸係一個自己最大心願。」
|
鍾意就快D Share啦！
|
|
|