網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年10月31日 星期三

烹飪節目失手 杜汶澤道歉:我一力承擔 __,杜汶澤,

阿澤一直用唔慣電磁爐,前晚整肉絲炒麵終於失手。互聯網圖片
阿澤一直用唔慣電磁爐,前晚整肉絲炒麵終於失手。互聯網圖片杜汶澤年頭開咗個網台,內容多數係抽水式諷刺時弊,吸引咗唔少人睇,當中由佢孖貝依霖教煮嘢食嘅節目 ...


杜汶澤年頭開咗個網台,內容多數係抽水式諷刺時弊,吸引咗唔少人睇,當中由佢孖貝依霖教煮嘢食嘅節目,亦係最受觀眾歡迎節目之一。基於消防條例,開放式廚房唔可以用明火,阿澤喺節目一路都係用電磁爐,但係阿澤每集都會「小」個爐,話唔夠鑊氣、又慢熱。由於阿澤係咁爆粗演繹浮誇,令唔少入廚中人都好有共鳴,亦成為咗節目嘅亮點。不過有網民就發現前晚阿澤教煮肉絲炒麵時,就因為掛住「小」個電磁爐,煎燶咗個麵底,俾網民仲留言鬧爆:「其實個麵黐X晒底,成個麵都唔脆,不過Cut X咗。」又有網民話:「失敗之作照出街。」



阿澤個炒麵黐晒底,搞到要同觀眾道歉。互聯網圖片

阿澤個炒麵黐晒底,搞到要同觀眾道歉。互聯網圖片

唔想淪為呃人師奶

阿澤噚日喺社交網撰文道歉,佢留言:「作為一個廚師,我有責任向大家道歉!從來不解釋失敗的原因,因為失敗就是失敗,我一力承擔。感謝大家的意見,我會深切檢討,務求繼續為大家提供低俗而又高質的烹飪節目。因為我不想淪為連焗嚿斧頭扒焗完都唔敢切開畀觀眾睇嘅師奶教煮餸呃錢電視節目主持人!九十度鞠躬!向大家說句對不起。」

撰文:馮仁昭




鍾意就快D Share啦!