搞乜瘦到咁呀……
舞台劇劇后焦媛一劇接一劇，最近又同米雪喺大陸各大城市為《晚安，媽媽》巡迴演出，完全冇休息時間，忙到健康都唔理，瘦骨如柴。一向已瘦削嘅焦媛，成日被人話係紙板人，但最近變本加勵，瘦得極唔健康，而且個樣又殘又冇精神，比起2012年她喺《飢餓藝術家》演患有厭食症患者更甚。
焦媛回覆東網，否認健康有問題，亦冇厭食症：「我當然冇厭食症，我不知幾好胃口，晚晚都食消夜，我不嬲身形都keep住係102、103磅咁上下，唔係瘦係非常fit，同我做嘢嘅人都知，我一啲病都冇，非常健康，其實做舞台劇個體能好重要，我不停做舞台劇，要保持好體能，我再強調身形係fit。」
至於日前佢喺社交網站寫話「好沉重」，「要樂觀正面迎戰」，令人諗到健康出現問題，佢解釋：「正面迎戰只係好鼓勵性，要正面面對，咁做騷係一場戰爭，我依家喺大陸做咁多場騷，一定要努力正面迎戰呢個工作，完全冇問題，而之前講到沉重喺因為綵排時，覺得劇本非常沉重，唔係講我自己心情沉重。」焦媛現身在鄭州成個10月都巡迴演出，11月才有時間回港。
來源 source: http://hk.on.cc
|
鍾意就快D Share啦！
|
|
|