歌手鍾鎮濤（阿B）等了10年終於11月24及25日再踏紅館舞台，蓄勢待發的他曾言「副偈仲好得」，有氣有力迎接這次視作最後一次的演唱會。阿B要以最佳狀態演唱，當然首要養聲，阿B更爆出太太范姜落足料：「真係唔知Fan Fan（范姜）喺邊度搵到養聲嘅秘方，唔知係咪養錯咗地方，跌咗落下面。（係咪虎鞭鹿鞭呀？）我都唔知屋企有啲咁嘅嘢，係人哋送畀我，應該係去啲東北地方送啲鹿尾羓，都係放喺屋企度擺，我都唔知點解會拎咗嚟撈落去，其實唔使補到咁行。（係咪有用先？）係有反應，朝早都有反應㗎，朝早好高興吓。（咁咪好囉，會唔會又追多個？）唔會啩，費事一早起身騷擾佢啦，幾廿歲人，一生出嚟叫我阿爺喇，唔得嘅。（有心有力？）呢方面唔需要啦。」不過，他承認是有料到，進補後由朝工作到晚仍然好精神，他笑言：「Keep住補冇問題，但都需要多啲勞動，多啲運動，雖然我副偈勁揪啫，但都唔好谷爆偈，日日都忙緊，唔可以唔忙咁補嘅。」
這次演唱會名為《鍾鎮濤故事繼續演唱會》，他形容準備了十年，期間多次申請都沒下文，當他已沒再想開騷時，就突然有期：「自己就諗如果今次唔開，可能呢世都唔會開，仲等十年嘅話，年紀都唔細喇，做就做喇。」不過，阿B原來多年開騷都未有推出錄像：「阿Sam（許冠傑）話佢偶像貓王都唔鍾意拍嘅，拍都係只留畀自己做記錄，同埋若果知道要拍嘅話，就會啲閘住閘住，唔會去得咁行咁，而最大原因係買飛入場嘅歌迷會覺得更珍惜。」
歷年來阿B推出的唱片超過40張，有多首大家耳熟能詳之作《閃閃星辰》、《要是有緣》、《一段情》、《淚之旅》數之不盡，阿B稱不少歌迷已給他歌單，而他亦準備以9成的舊歌與歌迷一同集體回憶：「因為音樂係最快可以下載到所有回憶，當然會唱一班老友嘅歌喇，因主題係故事繼續嘛，由自己、朋友、家庭、電影帶訊息出嚟畀大家。」
----------------------------
東網巨星開咗ig喇，大家快啲follow
https://bit.ly/2JjSVcr
|
鍾意就快D Share啦！
|
|
|