網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年11月5日 星期一

陶大宇見證受訓做女一 藍潔瑛笑容永記心中 __,藍潔瑛,陶大宇,

藍潔瑛雖然靚絕五台山,但一生坎苛,後期因精神不濟,沒有工作,靠領援及友人接濟生活,又斷跟圈中人來往,返教會尋找心靈慰寂。可惜前日藍潔瑛凌晨被發現於赤柱 ...


藍潔瑛雖然靚絕五台山,但一生坎苛,後期因精神不濟,沒有工作,靠領援及友人接濟生活,又斷跟圈中人來往,返教會尋找心靈慰寂。可惜前日藍潔瑛凌晨被發現於赤柱馬坑邨寓所暴斃,終年55歲。死訊傳出後,震驚中港台,不少曾跟藍潔瑛合作的藝人都感到婉惜。

於83年入讀無綫第12期藝員訓練班的藍潔瑛,同期同學有曾華倩、劉嘉玲、劉青雲、陶大宇等。藍潔瑛出道初期曾備受力捧,至87年初約滿離巢,其後從返娘家拍劇,92年接拍跟鄭少秋、劉松仁及陶大宇等合拍無綫劇集《大時代》。當年29歲的藍潔瑛演19歲的女學生羅慧玲完全沒違和感,依然青春逼人,她在劇中更演技大爆發,令觀眾下深刻印象。



《大時代》中演丁蟹二子丁益蟹的陶大宇,前日獲悉舊拍檔死訊,他接受訪問時,憶述與藍潔瑛的種種往事:「拍《大時代》同佢見面最多,雖然兩條線唔同,但喺公司會遇見佢。佢角色形象多數都係沉默不語,其實佢真人好鍾意笑,訓練班時嘅笑係好天真無邪,後期佢對住我哋都係笑多,拍完劇之後,我都係靠報章上先知道佢嘅動向。」大宇數次強調藍潔瑛以往喜愛微笑,並不是各人印像中的沉默。

以往曾傳藍潔瑛不能抽離《大時代》中的角色,大宇只稱:「冇見佢好耐,睇報道知佢有情緒病,好可惜,近呢十年、八年好似個個都有。」大宇謂得知消息後感觸良多:「同期同學識咗幾十年,我感覺到佢之前生活體驗、患病之後都係辛苦,大家都理解、同情。希望佢一路好走,去另一個快樂世界行到佢想行嘅路。」



藍潔瑛出道後,被封「靚絕五台山」,大宇說:「嗰時佢真係靚,我哋嗰份感覺係好開心,因為有人咁讚佢,作為朋友、同學都會戥佢開心,喺呢個行業都係一個榮譽嚟。」大宇形容對藍潔瑛感受比其他人深:「可能我哋感覺唔同,我哋唔係同事,係同學,由唔出名到出道,經歷嘅嘢唔同,會好大感觸,希望佢一路好走,過到開心生活,我相信佢會。」



藍潔瑛當年演技出眾,問到她在訓練班中的表現是否也很突出?大宇憶述:「我哋受訓一年,係上班時間,乜都有得學。唔同家讀一陣就出嚟拍戲,大家基礎打得好好,我哋要考試,公司畀機會你,當然係有用嘅地方。佢一出嚟就女主角,因為佢靚。佢做得到,係佢優秀地方,唔係玩吓玩吓就有成績,每個藝人都有自己風格。佢喺我腦海有太多嘢,拍《大時代》收工,我都有上佢屋企食過飯,出面撈散都有見過面,我仲記得佢同我講『大宇,唔好成日掛住玩呀!』呢啲說話會即刻彈出嚟,大家同學之間好多點滴。」



近日白事一單接一單,岳華、文學泰斗劉以鬯、高錕、金庸、嘉禾創辦人鄒文懷和藍潔瑛,令人痛心。身處海外拍戲的香港演藝人協會主席古天樂,昨日在微博貼出一片雲海照片悼念多位前輩,他留言:「2018年對香港人來說,真是充滿了離別的哀傷,實在太多巨人逝去,包括早前的劉以鬯先生和高錕先生,前幾天的金庸先生,還有電影界巨人鄒文懷先生,他們都是香港真正的精英。」



採訪:魯吉




鍾意就快D Share啦!