劉穎鏇雖然同江嘉敏相差3年，但並唔影響佢哋成為好姊妹！
《3日2夜》土耳其篇終於播完，劉穎鏇同江嘉敏呢對女神組合，除咗靚樣夠吸睛外，佢哋集集鬥嘴都夠晒爆笑。不過去到最後一集都有感動位嘅，就係兩位講番佢哋第一次見面嘅回憶！劉穎鏇就印象深刻，佢話：「我喺電視城試完造型之後入廠，江嘉敏講話第一次見到有女Artist後生過佢，所以佢唔鍾意我！」非常爆笑。江嘉敏就話對劉穎鏇第一印象係「呢個女仔咁高嘅」，仲話接受唔到有人年輕過自己！
之後佢哋去咗英國拍劇，佢哋仲住埋同一間房，劉穎鏇就話感受到江嘉敏係一個大姐姐，因為好識照顧佢，煲熱水畀佢、仲帶埋零食同佢分享。而兩位女神都有一個共通點，就係兩個都咁驚曱甴，同埋兩個都係長腿女神。
一個1997年出世（劉穎鏇），一個1994年（江嘉敏），雖然年紀相差三年，但無阻佢哋兩個之間嘅感情，大家一齊拍節目、一齊拍劇，感情慢慢昇華成為好姊妹！
來源 source: http://hk.on.cc
|
鍾意就快D Share啦！
|
|
|