網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年11月5日 星期一

娛樂專題:【女神收割機】羅天宇不再輕狂唔係玩玩吓 __,羅天宇,女神,

「女神收割機」呢個稱號並唔係浪得虛名。入行十年的藝人羅天宇(Joey)近日在無綫劇《跳躍生命線》中演見習救護主任,為此忍口激減20磅兼狂操大隻,望以新 ...


「女神收割機」呢個稱號並唔係浪得虛名。


入行十年的藝人羅天宇(Joey)近日在無綫劇《跳躍生命線》中演見習救護主任,為此忍口激減20磅兼狂操大隻,望以新形象示人。回望過去,Joey與不少女神包括湯洛雯、苟芸慧、陳瀅等名字掛鈎,他坦言感情經歷令他成長,望此後能證明自己是演員,絕非「玩玩吓」不顧事業!

現年31歲的羅天宇於2008年參選香港先生,勇奪少年組冠軍而入行。貴為港男的他,憑燦爛笑容奪得不少女士歡心,難怪出道多年來異性緣甚強,在感情路上更被視為「女神收割機」,身邊的緋聞對象個個都是「高質女神」。2010年他曾與華姐冠軍苟芸慧拍拖,雖然戀情只維持2年就分手收場,但已令不少男士「葡萄」!他亦曾與「宅男女神」陳瀅因合作拍劇而傳緋聞,不過最為人熟悉的是他於2015年拍處境劇《愛·回家》與飾演情侶的湯洛雯戲假情真。

與靚湯復合?

兩人分手後再見亦是朋友,早前男方31歲生日,湯洛雯亦有出席慶生派對,更大讚Joey是好男人,令人猜想有機復合,對此Joey表現大方地表示:「我同靚湯關係仍然係十分友好,大家依然會互相聯絡,關心對方,感覺好似家人一樣。」時間令Joey變得成熟,視每段感情為成長經歷:「我相信依家比以前更懂得處理,識得點樣面對壓力。」惟他指現階段以事業為重,希望把握每個機會搏殺:「以前拍拖會令好多觀眾覺得我唔認真工作,唔夠搏殺,希望嚟緊會有多啲作品出街,大家睇到我努力嘅一面,將重心放番喺事業方面。」

狂操肌減廿磅

雖然感情路上深受大眾關注,但其實Joey亦十分重視其事業發展,出道十年憑處境劇《愛·回家》中「馬子仁」一角深入民心。近日他在熱播劇《跳躍生命線》,飾演見習救護主任「譚家俊」,較以往角色更為成熟穩重,故開劇前他亦做足功課,激減20磅兼操弗自己:「因為救護員體能測試同消防員一樣 ,監製話我成日畀人感覺肥肥哋,提議我不如操大隻啲,所以我就畀個目標自己,最初冇諗過話要減20磅,只係嘗試可以減到幾瘦。喺開劇前3個月日日食雞胸加西蘭花,仲每日做Gym同每個星期打至少兩次籃球。」又透露因自己向來為食,最愛甜品,初段忍口忍得相當痛苦,不過有決心則可勝過一切。

見馬德鐘腳軟

今次他首次夥拍實力派演員馬德鐘和女神陳瀅,直言最初面對二人同樣緊張不已:「我記得第一日係同馬德鐘嘅場口,真係好緊張,因為佢又高大又好有氣場,加上未合作過,所以驚到腳軟!不過佢好Nice,不斷叫我放鬆同埋會搞氣氛,令大家都喺一個開心嘅環境下工作,同埋合作幾日都熟咗,拍攝得更順暢。」

孭住陳瀅濕晒

至於談到劇中難忘的場口,與陳瀅有感情戲份的Joey,透露有場要孭她行30級樓梯的場口,令他至今相當難忘:「當時係夏天,加上我係好大汗嘅人,一直孭住陳瀅行樓梯時,我啲汗已經整濕佢件衫,令我都唔好意思,但係佢都好專業,淨係叫我要操大隻啲,唔好畀觀眾覺得佢好重。」最終他雖然行足十幾次,但畫面非常浪漫,相信絕對可感動觀眾。

場地:Happy Express

----------------------------

東網巨星開咗ig喇,大家快啲follow

https://bit.ly/2JjSVcr


來源 source: http://hk.on.cc
鍾意就快D Share啦!