一個累全「家」！
無綫劇《愛．回家之開心速遞》一向有收視保證，但一夜間竟然有網民話要罷睇，點解咁大鑊？原來全因為主題曲《在心中》出事！
有睇開嘅觀眾都知，首歌係由「偷食小花」黃心穎主唱，成為眾矢之的嘅佢，牽一髮動全身，唔只被無綫雪藏、一面倒被插爆，網民仲要求換咗《愛．回家》首歌，紛紛留言「食飯都冇胃口」、「聽到都唔係好舒服，用番欣宜《愛．回家》做主曲」、「唔該快啲換咗首歌」，因為唔想每次睇親都要諗起黃心穎，如果唔係話要罷睇咁話，又話一聽到「一雙手張開可抱擁…」就想熄電視機呀！
有網民就戥劇集無辜受累慘豬，建議唔想聽主題曲嘅大家一到8點就消音先，唱完咪開番囉！
而黃心穎當時獲委派重任，曾表示：「開心到不得了！」因為終於擁有自己嘅歌，希望大家都記得呢首歌同記得係佢唱！
來源 source: http://hk.on.cc
|
鍾意就快D Share啦！
|
|
|