馬國明（馬明）一直被視為男神兼筍盤，直至17年與黃心穎公開認愛後男神封盤，不少女fans大感失望。一直以來，心穎跟馬明被視為十分登對，但原來女方背住馬明姣媾已婚的許志安，還被本報踢爆她向許志安投懷送抱又攬又錫，不禁令人對慘遭背叛的馬明深表同情。
近日馬明忙於拍大台新劇《降魔的2.0》，日前便有讀者發現他凌晨時分在九龍灣附近的啟德河開工，但其間馬明竟頻頻NG，未知是因為日踩夜踩開工而疲倦不堪，還是因為其他事情而影響演出。
讀者陳先生日前透過《蘋果》的「爆相爆片」報料，指本月10日深夜11時半左右，見到大台外景隊在啟德河拍外景，現場除攝製隊外，還見大台安排了一部的士鏟上欄杆，車身嚴重損毀。陳先生說：「我11點幾落街買嘢食，見到TVB拍嘢，成部的士鏟咗上去半空，都好驚訝㗎，不過嗰陣未見到馬國明，到我買完嘢食返去，大概凌晨12點左右，就見到馬國明同幾個藝員喺度。」
陳先生表示雖然當時夜深，但仍有10多位途人圍觀。從陳先生提供的片段中，見馬明駕駛的士趕到現場，有兩名演員大受驚嚇坐在地上，馬明落車後向二人追問發生何事，然後走上前查看懸掛半空之的士。陳先生說：「唔知點解馬國明係咁NG，佢哋拍嚟拍去都係嗰幾個鏡頭，所以我睇咗一陣都冇等落去。」
馬明一直被視為「大台第一筍盤」，11年他與胡定欣分手後，15年9月有傳媒踢爆他跟黃心穎拍攝《為食神探》期間秘撻半年，報道指是女方主動出擊追求男方，心穎送馬明1隻數萬元手錶作生日禮物，但兩位當事人一直否認戀情。直至17年初，馬明與心穎戀情終於浮上面，有傳媒拍得馬明夜訪心穎香閨，之後本報讀者透過「爆相爆片」爆料揭二人孖住到戲院睇戲，又被本報記者發現二人撐枱腳食日本菜，連番被踢爆拍拖後，二人才公開認愛。
【編輯推介】
【獨家足本睇】黃心穎胸壓攬住啜 許志安背Sammi偷食馬明女友
https://bit.ly/2v6HdZN
【宣佈停工】爆喊向Sammi道歉 許志安承認起色心：我係一個壞咗嘅人
https://bit.ly/2KJ7Peh
【安心偷食】爆馬國明仲喺屋企睇緊波 馬媽媽對心穎印象：好普通
https://bit.ly/2Xiu5go
【安心偷食】心穎IG閂留言功能 家姐心美驚訝：咩話？許志安？
https://bit.ly/2IpHrnp
【安心偷食】杜琪峯曾警告安仔勿撇Sammi：揼咗佢我斬佢老母十碌
https://bit.ly/2InllC6
-----------------------------
熱定身睇GOT大結局
權力遊戲76頁電子書
幫你極速消化全劇精華
https://bit.ly/2U9OBxz
-----------------------------
星期一至五晚上10點半
《動腦Q》Let's Q the money！
http://bit.ly/2QW8LcI
|
鍾意就快D Share啦！
|
|
|