劉浩龍表示唔知邊個帶黃心穎出席飯局。
藝人劉浩龍出席電影首映禮，提到無綫小花黃心穎偷食人夫許志安，有指事發於本月3日飯局後，而有份出席該飯局的劉浩龍表示：「當日朋友生日食飯。（有冇留意佢哋兩個？）食得好開心。（飲好多酒？）都唔係飲咗好多，唔係飲得好醉，係有飲酒。」
問到誰帶黃心穎加入圈子時，他未有正面回答：「當日有好多朋友，我同丁子高、方力申坐埋一齊，當晚好多朋友，所以唔太清楚，我第一次見黃心穎。（佢哋一齊走？）當日切完蛋糕我走先，第二日有嘢做。」再追問誰帶黃心穎出席飯局，他表示：「唔知。（事後有冇向同車男友人了解？）呢件事上面唔問咁多。（有冇搵鄭秀文同許志安？）做朋友唔應該騷擾佢，畀多啲空間佢哋。（擔心鄭秀文抑鬱發作？）相信除咗佢哋四位之外，做外人唔應該講咁多，我只能夠講咁多，多謝各位。」
來源 source: http://hk.on.cc
|
鍾意就快D Share啦！
|
|
|