閨蜜唔使去日本，去到馬場都可以享受做㗎妹嘅滋味！喺The Gallery 月貝凡餐廳舉行嘅粉紅盛事Pink Event，馮盈盈着住紅色和服登場搶Fo，真係「卡娃依呢」！
原來，盈盈讀大學嘅時候喺馬場工作，當時佢已經同寶寶拍緊拖，寶寶亦會接放工。盈盈分享得閒就會同寶寶入馬場睇馬食飯拍拖，而佢哋嘅相處之道係日頭要軟、夜晚要硬，即係日頭態度溫柔啲，因為寶寶都要Face，夜晚返到屋企對住寶寶先至強硬少少！
盈盈同寶寶日常生活要做決定時，同揀馬一樣有選擇困難症，佢通常會設定三個選項交畀寶寶決定，就好似組合獨贏3揀1，縮窄範圍之後要選擇都易好多。盈盈仲即席分享心水「開心人生」，最後跑第二有晒交代至於情侶相處之道有冇貼士？盈盈話最緊要製造新鮮感，同跑馬一樣，雙方都要配合諗多啲活動，佢就會帶寶寶去唔同地方，希望下次同寶寶落沙圈睇馬，咁就唔怕悶親男友呀！
來源 source: http://hk.on.cc
|
鍾意就快D Share啦！
|
|
|