一個愛認叻、一個不平則鳴，就係講緊港台節目《香港電台視點31》邀請撐警的荷蘭叻和反送中的杜汶澤上節目舌戰，這場黃藍對決，成為全城焦點！賽前有網民惡搞賠率，更預測阿澤必勝，而《頭條新聞》主持人之一「小豪子」曾志豪覺得荷蘭叻睇高一線，因為他擁有丁蟹式的精神勝利法，他和警察一樣，永遠不會錯，總是有解釋。
1705：談到721元朗的事件，阿澤又指當然有差人到場，還見到差人面對白衣人打人，不但沒有開鎗，更調頭離開。阿叻便指對方有攻擊性武器，調頭也很正常，更指看到的不是無差別襲擊，而是看毆鬥、互毆。
1700：再談開真槍的事件，陳百祥指當然支持，因為在生命垂危之下開，更指大家崇拜美國，有露宿者都係被５個警察開槍。阿澤便指：「美國係可以買槍，美國係民選國家，香港就行緊緊急法，冇民選政府。因為係民選係可以推佢落台。
個靚仔係拎住膠通。支持開槍絕對係滅絕人性，點解香港人咁憎陳百祥，就係因為咁。」阿叻：「大聲唔代表啱。（杜望鏡頭無奈）」
1653： 講到美心集團伍淑清講到放棄年青人，阿澤直指伍淑清不太了解「放棄」兩個字的意思，因為沒有擁有過又如何「放棄」。
16:49 說起護旗手，阿叻說：「點會做護旗手就有嘢撈。」阿澤接着說：「冇料去乞錢，為咗經濟收入嗰啲就有問題。」阿叻指成龍都做護旗手：「佢唔使去乞錢。」
16:45 阿叻指：「我看到是證據，畫面就是證據。」他反問阿澤：「你有冇見到人哋去話封殺你？」阿叻稱看不到封殺：「因為我唔係主力喺大陸做嘢。」阿澤笑言欣賞阿叻真心撐警，因為阿叻並非在大陸賺錢。
16:43 阿澤指再有盲目支持警察，「為咗唔打爛個香港，就唔追究警察濫捕」，永遠覺得藍絲最可怕，因為他們不知情，不理民調，但他們仍會一直去相信。但阿叻便指不相信民調，更指難道他會相信戴耀庭？阿澤即沒氣指：「仲講戴耀庭？」
16:40 阿叻再說我看不到警方如何暴力，如果他沒有用汽油彈，這是暴徒挑起，警察只是「以暴制暴」，他們返工為何出來打你，阿澤稱這是治亂世用重典。
16:38 阿叻覺得是教育擺佈年青人，因為年青人沒讀歷史，對國家、國語沒有很深入的認識，所以他認為年青人是受人擺平。阿澤問是否讀歷史就可以任人擺佈，讀歷史就可以受到極權統治，更指：「個重點唔關歷史事，係咪認識咗個歷史就唔會被個暴政打壓，五大訴求好清楚，差人越嚟越暴力，七成人都唔信差人，你就支持差人！」阿叻又指：「我睇唔到差人點樣暴力，如果後生仔唔攻擊差人，差人又點會用暴力。因為畫面睇到，啲暴力係由呢邊開始先，差人係以暴制暴，你冇呢件事，啲差人係返工，係唔會打你。
16:36 主持先問到不少演唱會、大型活動取消，阿澤先指：「如果喺內戰期間，如果香港人受到咁大嘅人為傷害，仲掛住有啲咩娛樂，未免太過涼薄。」阿叻問阿澤是否覺得香港是「內戰」的情況，阿澤指這一個「內戰」時候，有些人會覺得出街被人阻住。阿叻又說：「係一個悲劇，從未見過咁亂嘅香港，只睇到暴力，有咩結果都未知。」
16:30 阿澤與阿叻衣着一黑一白，他否認有襯衫：「佢係白衣人嘛，唔着白色着咩色。我冇咩嘢要準備。」問到會否講到激勵到爆粗？他說：「我喺隔籬（指商台）做咗8年，一句粗都冇爆過。」至於有人開賠率？阿澤講笑：「係呀，我買咗200萬叻哥贏。」阿澤再被問到會否擔心直播時爆粗，他指一指隔離（商業電台大樓）說︰「我喺隔離做咗8年，一句粗口都冇爆過，其實都冇乜嘢要準備，我係香港出世，係香港人嚟冇嘢要準備。我係大熱呀，所以買咗2百萬叻哥贏。」講,到茶餐廳都有直播時，阿澤自言可惜是沒有利益得着的人，因為自己沒有茶餐廳，他笑言不擔心激到阿叻拍枱走人︰「始終我有讀過書，讀到中五。GEL頭等樣贏咗先。」講到事前有否參考叻哥的表現時，他語帶相關說沒有︰「我好怕佢，好怕囉，好似啲人怕熱、怕鬼咁，怕真係冇解釋嘅。」
16：29 阿叻今日一落車就表示：「唔使狀態，傾偈有咩所謂。心情係自然，我係一個普通市民。」問到會否拍枱？他說：「呢啲唔知情況，冇得估。呢啲冇最壞亦冇最好打算，我係普通市民身份，見到香港咁亂，我希望代表到香港好驚、沉默嘅一群去聽對面睇法，因為我冇呢啲朋友，所以嚟吸收下，明辯大家睇法。」阿叻指沒有看過「網上賠率」。
16：15 全白造型的阿叻坐白色7人車在黃杏秀陪同下現身，由於傳媒爭相拍照，車內的阿叻表現有點不耐煩。阿澤同阿叻前後腳到港台，他乘坐銀灰座駕，以黑西裝現身，兩人一黑一白，分別接受傳媒訪問，賽前已經隔空交峰。
16：10 現場約十多名傳媒守候
【直播】 #阿叻 、杜汶澤出席港台視點31節目對談論時局
杜汶澤同阿叻嘅辯論比賽，即將喺16:30開始，相信大家都非常期待。開波之前，不如睇睇阿叻嘅神演技，真係津津津樂道㗎！
|
鍾意就快D Share啦！
|
|
|