現在行行難撈，歌影視藝人不少轉型生存。2007年以跳舞組合HotCha入行的張紋嘉（Crystal），組合解散後近年努力轉型做舞台劇演員，但難免被劇界人士質疑能力，又會嫌酬勞貴，日前她在訪問中就說：「有啲人會覺得請啲已出咗名嘅演藝畢業生，點都好過搵我呢啲成日做，我就係喺呢啲樽頸位，所以要更加努力。」
撰文：寶妮
攝影：沈健程
相關新聞：劇界男友林子傑教路
女子組合HotCha在2014年解散後，成員張紋嘉努力跳出框框，為香港開電視主持的海外置業節目《宜居住遊行》近日播映中，此外中學時已熱愛舞台劇的她，近年也積極轉型走向劇界，9月投資六位數跟好友搞舞台劇《進擊の廢能量》，她日前受訪時說：「賺到少少飯錢，喺香港舞台劇好難生存，不過我會堅持，雖然入場嘅人有限，但起碼外界知我有做嘢，喺呢行要勤力，否則就被淘汰。」無論如何Crystal都逼自己每年要有演出，保持「曝光」，故此她近年除投資搞舞台劇外，也會參加其他舞台劇的遴選，跟其他劇界演員競爭。
| | |
到美進修演技
Crystal融入劇界做演員，卻談可容易，她直認：「某啲舞台劇界嘅人會覺得你只係artist，請你演出嘅酬勞會貴，另外佢哋仲未必咁易相信你嘅能力。有啲人會覺得請啲已出咗名嘅演藝畢業生，點都好過搵我呢啲成日做，我就係喺呢啲樽頸位，所以要更加努力。」Crystal曾去美國進修演技，在港也有上堂，努力自我增值。
相關新聞：【12年生涯】HotCha樂壇不留人
Crystal畢業於理工大學修讀語言及傳播系，曾想退出轉行做新聞記者，但每次到最後總有機會出現令她打消念頭：「年初又試過咁，出咗新歌，但幾個月都冇嘢返，係零收入，嗰刻又再諗真係唔再出歌。咁啱有個job每兩年續約一次，今年初要續，我同自己講如果續到約先再繼續唱，點知對方真係搵我續，可能個天都覺得未係時候。」HotCha去年合體舉行十周年演唱會，她才發覺組合年代自己其實很幸福，有兩位成員張惠雅（Regen）及黎美言（Winkie）分擔一切，對於一直有指她跟Winkie不和，Crystal說：「可能我同Winkie嘅外形同路線較似，咁當年有啲工作可能會只揀我或佢，萬一真係揀咗佢咁點都會有啲唔開心，但𠵱家睇返只係好小事。」她現在替對方有自己事業高興，三人有群組聯絡。
| | | |
選做靜態記者
無綫小生王浩信當年和HotCha屬同一唱片公司，Crystal說：「𠵱家仲有聯絡，佢成日話當年俾我哋恰，佢𠵱家咁有錢恰我啦。」好友捱出頭，Crystal指他沒有大改變，以前愛講笑較開朗，現在變得沉實。問Crystal如轉行做新聞記者，會選做哪一類？她稱會做靜態，因喜歡深入了解事件。現前線記者不但辛苦還有機會受傷，她無奈說：「冇諗過會變成咁，相信啲記者都冇諗過會變成咁，好佩服佢哋。」
髮型：Jay of Hair
場地提供：LLProduction House
|
鍾意就快D Share啦！
|
|
|