網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2020年1月23日 星期四

【頭條獨家】遇襲後康復良好趕去還神 任達華坦認患人群恐懼症 __,任達華,

鼠年願望,任達華當然想出入平安,唔好再有意外啦。
【頭條獨家】遇襲後康復良好趕去還神任達華坦認患人群恐懼症鼠年願望,任達華當然想出入平安,唔好再有意外啦。64歲肖羊的任達華於去年3月底先在紅隧出口發生 ...




遇襲後康復良好趕去還神任達華坦認患人群恐懼症鼠年願望,任達華當然想出入平安,唔好再有意外啦。64歲肖羊的任達華於去年3月底先在紅隧出口發生 ...




【頭條獨家】遇襲後康復良好趕去還神 任達華坦認患人群恐懼症

鼠年願望,任達華當然想出入平安,唔好再有意外啦。

64歲肖羊的任達華於去年3月底先在紅隧出口發生的4車交通意外中被撞車,幸有驚無險;及至7月底喺中山舉行的商品活動上被兇徒用刀刺傷腹部和右手四指,停工休養半年,傷得較重的右手已差不多痊癒。趁住豬年年尾,華哥精神爽利到天后廟誠心還神,還作福望全世界人都身體健康及開開心心,他搞笑說:「歌仔都有得唱啦,『每天開心多一些嘛!』」但華哥坦承,經歷無妄之災後留下永不磨滅的陰影,自爆努力克服緊人群恐懼症!採訪:方騫平

華哥閉目誠心還神。
華哥閉目誠心還神。
廟祝指導華哥如何還神。

廟祝指導華哥如何還神。

任達華出名好人緣,意外發生後即有朋友代他去拜神作福,祈求華哥能度過難關。經兩次手術,目前右手只差小小未能完全緊握拳頭,可幸受傷的神經線沒有影響到活動能力,進度相當理想,所以華哥可以親身去還神。當日華哥現身天后廟令菲律賓華僑廟祝吃一驚,廟祝安慰華哥說:「唔怪得啦,肖羊喺豬年受凶星白虎、羊刃影響,犯小人、是非,容易受金屬所傷,不過,拜咗神就一切順利,不過,肖羊喺鼠年犯太歲,記得喺2月5日後嚟攝太歲,攝完就冇事㗎嘞,十幾年前黎耀祥都嚟拜過神,之後發展得好好。」華哥喺廟祝指導下點好蠟燭兼上香誠心還神,又跪拜白虎,完成後用菲律賓話多謝廟祝,Nice到爆。原來華哥甚少去拜神,不過,堅持作為中國人要尊重及認識中國傳統習俗,如同禮貎地打個招呼,亦會向囡囡任晴佳講解。

還神第一步先點香。

還神第一步先點香。
華哥跪拜白虎,求賜平安。

華哥跪拜白虎,求賜平安。

體會陪伴的重要

華哥形容去年係受傷嘅雀仔,痊癒後繼續飛翔:「雖然去年係出咗少少意外,拍少咗戲,但要正能量去睇,其實自己運氣都唔係好差啫,難得可以放長假陪吓屋企人,係拍戲40幾年嚟第一次,呢次體會到陪伴家人、朋友、甚至鄰居嘅重要性,哈!𠵱家每日都好開心,好珍惜,過去就由得過去,做人點都要向前行,暫時我未拍到動作戲,而且右手慢過左手半拍彈唔到琴,不過就好想打乒乓波,應該幫到手腕同關節復元。」

遇襲留一世陰影

當問到中山意外可有留下陰影時?華哥想了想坦承有:「呢個陰影係一世嘅,尤其喺人群之中好難會冇,唯有用多啲正能量盡快抹走佢,不停要提示自己去面對同克服,做人點都要向前行,要繼續拍戲、睇戲、行街同食飯,唔好害怕同畏縮。」至於新年願望,追問係咪想出入平安時?華哥哈哈大笑道:「2020梗係『易贏易贏』,最重要係正能量多啲、和諧、開心啲,唔好咁執著,要包容多啲、世界和平、身體健康要做多啲運動,等體能極致啲就可以出外旅行,開心體驗充滿色彩嘅世界,每天開心多一些!」

華哥已差不多康復,只差右手少少未能完全緊握拳頭。

華哥已差不多康復,只差右手少少未能完全緊握拳頭。
中山遇襲受傷後,華哥入院接受治療時仍樂於跟醫護人員影相。

中山遇襲受傷後,華哥入院接受治療時仍樂於跟醫護人員影相。
儘管再返內地工作,沿途有跟途人打招呼,原來華哥存在好大心理陰影。

儘管再返內地工作,沿途有跟途人打招呼,原來華哥存在好大心理陰影。
意外受傷後,華哥停工休養半年,多了時間陪家人。

意外受傷後,華哥停工休養半年,多了時間陪家人。

鍾意就快D Share啦!