2020年3月16日星期一

【再派福袋送暖】月底返英國長住喬寶寶被兒子勒令要自我隔離14天 #喬寶寶

【再派福袋送暖】月底返英國長住喬寶寶被兒子勒令要自我隔離14天

返英國慰妻前，喬寶寶不停派口罩及福袋送暖。

「口罩王子」喬寶寶日前再次行善，和藝人邱晴參與「I Love You 3000」愛心福袋送贈活動，共派3000個福袋，每位65歲以上長者可獲兩個福袋，當中有雨傘、洗手液、口罩、餅乾。汲取過上次經驗，長者先攞籌，再分三個時段去指定的食店領取，所以秩序良好，有長者開心得畀Like寶寶，大讚他好有善心，唔係沽名釣譽，好抵讚。

喬寶寶月底便飛返英國格拉斯哥定居，和妻兒團聚。對於新型冠狀病毒肺炎全球大流行，疫情蔓延全球，英國也是重災區，當地防疫物資被搶購一空，喬寶寶唯有帶大量口罩及洗手液回家，供給家人及轉送左鄰右里。他無奈道：「雖然蘇格蘭疫情唔及倫敦嚴重，但都有200單確診，喺家細仔停學，大仔『印度豹』Inderpal就home office，最高危反而係印籍醫師新抱Manjit，因為佢出入醫院，現階段唔夠醫護人手，仲冇得放假。我喺當地經營嘅印度餐廳都受影響㗎，因為印度餐多數係做自助餐，疫情下唯有轉做外賣。真係估唔到以前係老婆擔心我喺香港嘅狀況，𠵱家輪到我去擔心佢哋。返英國格拉斯哥喺中東轉機，中東都好高危，到時盡量唔食唔屙，戴住口罩防疫，『印度豹』叫我返到去唔好第一時間同阿媽報到，始終坐飛機都有感染風險，佢叫我自我隔離14日先好同家人相聚。」