網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2020年3月16日 星期一

無綫最後5年唔上唔落李施嬅谷出演技 #李施嬅 #李詩韻 #無綫

【娛樂人物】李施嬅自去年離開無綫後,工作不斷,近日更擔正拍加拿大劇集。她坦言在無綫最後5年到達一個樽頸位,沒有很多劇集拍攝,想進步卻又沒辦法。經過5年 ...






【娛樂人物】

李施嬅自去年離開無綫後,工作不斷,近日更擔正拍加拿大劇集。她坦言在無綫最後5年到達一個樽頸位,沒有很多劇集拍攝,想進步卻又沒辦法。經過5年點滴的積累,李施嬅改變過往想法,跳出舒適圈主動四出尋找機會,同時努力增值自己,演技成功大躍進。

撰文:比華利

攝影:陳慧安

現年39歲的李施嬅去年離開無綫後,工作接踵而來。問到李施嬅今年想行事業運還是桃花運?她說:「想行事業運先啦,兩者比重八二喇,我離開TVB差唔多一年,好多新事物、新嘗試等住我,好需要人哋畀我極強心針,同好運加強信心。」其實李施嬅前年已衝出香港,拍攝加拿大劇集《Blood and Water》第2季,劇集近日開拍第3季,李施嬅更擔正做女主角。

近年李施嬅演技上大躍進,思想也越見成熟,她承認開竅跟閱歷有關:「多咗靈感,特別我喺TVB最後嗰5年,我自己去到一個樽頸位,自己好想進步,但又唔得,呢幾年又唔係拍到好多劇,公司唔係好多嘢拍。」李施嬅明白被動沒有用,主動四出找機會去試鏡和增值自己,過去5年點滴積累,也在書中得到不少啟發,同時也改變了自己過往的思考方法:「原來我以前諗嘢方法好錯,冇嘢做時千祈唔好坐喺度埋怨,應該積極啲,幫自己搵多啲其他機會。一直喺一個comfort zone就變成原地踏步,慢慢又會好多埋怨,其實身邊仲有好多道門可以去開,不妨試吓開第二啲門搵出路,去跳出框框。呢幾年睇好多書,繼續做好自己,抱住正能量感恩嘅心,努力增值自己就一定會成功。」

李施嬅在無綫最後5年到達樽頸位,她最後選擇跳出舒適圈,成功覓得出路。


李施嬅在2003年參選港姐入行,雖然獲得最上鏡小姐,卻不入五強。資料圖片


想組織家庭

李施嬅雖然事業心強,但她也期待像好姊妹胡杏兒一樣,擁有幸福家庭:「好想有一日有自己屋企同小朋友,我知當有小朋友時,一定會慢落嚟,唔係我唔想一路衝,身邊朋友結婚生仔後,事業自然slow down,始終母愛偉大,必然會掛住屋企同小朋友。今年我決定開盡turbo衝咗先,等過一、兩年就諗吓組織家庭。」李施嬅不敢以兩子之母的胡杏兒做目標:「佢生得好犀利,我冇佢咁勁,佢可能仲會要多啲,會不停繼續造人,我唔想要咁多個,要生嘅話,一個夠,我鍾意生女。」不過,李施嬅雖然恨生B,卻怕血腥,她直言:「咁我睇唔到嘛,有布遮住。我要自然生,我覺得做媽咪係好靚一件事,由陀小朋友就feel到佢心跳,佢會喺你身體長大。」

李施嬅前年演出加劇《Blood and Water》第2季備受好評,在第3季她更升呢做女主角。劇照


去年的《金宵大廈》,李施嬅的演技獲網民大讚。劇照


靚仔係Bonus

單身的李施嬅身邊不乏追求者,十隻手指可夠數?她笑言:「咁又唔好數,怕越數越少。大家認識了解最重要,去到𠵱家唔係初戀喇,以前鍾意人哋送花追求,𠵱家係想搵一個知心人,大家傾到偈,明白我、支持我。我哋呢行要搵一個明白你嘅人好難,仲有要頂得順我工作忙碌,對方要睇住我幕前談戀愛,真係要好高EQ同明白事理,圈外人同我哋拍拖會好大壓力,佢會俾人起底。」李施嬅開出基本擇偶條件:「靚仔會好啲囉,冇嘅都OK,人始終都會老,最緊要夾得到,佢一定要有上進心同孝順,呢啲最緊要,有靚仔又fit係bonus喇!」

服裝提供:ba&sh

場地提供:Hyatt Centric Victoria Harbour Hong Kong

李施嬅在無綫最後5年,只拍過《荷里活有個大老千》、《天命》等共四部劇集。劇照


劇照



鍾意就快D Share啦!