補祝生日快樂～
今個月27歲生日嘅藝人楊埕（Sabrina），趁大一歲宣布最近有新動向，就係離巢TVB！佢喺社交網晒出早前慶生時嘅靚相，並發文透露：「年年大轉變，我離巢啦。每年生日都是個大轉變，上年3月成立製作公司，前年3月接觸牌照經營，大前年3月不斷中港來回拍攝，大大前年是兩年的選美和中戲讀書，今年3月...我離開TVB啦。4年約、6年的相處，感謝畀我見識廣博、試足戲癮，有班好朋友好粉絲的支持。」
佢又憶述過往數年喺TVB嘅日子，指：「記得21歲港姐時青澀害羞，面對鏡頭會四肢僵硬腦閉塞，3年前拍攝神劇《再創世紀》，跟一線前輩對戲會震的，經過日月洗禮演技終於淡定許多，試過玩過心願完成啦。多謝曾經畀機會我的劇組，以及24小時好好吹水的梳化服同事，上上下下前程似錦一帆風順啊」，並續指演藝事業暫時未有打算，會將重心放喺其製作公司上，但若然有機會拍戲都會繼續。
來源 source: http://hk.on.cc
|
鍾意就快D Share啦！
|
|
|
