《蘋果》駐倫敦特約記者 譚志輝、梁琬珊
「我3月11日開始發燒，並依照英國政府的建議，打電話到緊急熱線111。」謝小姐（31歲）過去14日沒有外遊，亦不確定曾否接觸確診者，不符合當地政府檢測武漢肺炎條件，醫院拒絕為她做測試。「佢不停問我有無同疑似病患接觸，我日日坐火車地鐵出倫敦經過幾千幾萬人，鬼知邊個有病呀。」
她又引述院方稱，由於測試劑非常有限，即使測試結果呈陽性一樣無藥醫，亦不會允許入院。院方又謂大部份人只會有輕微症狀然後自動痊癒，吩咐她自己家居隔離14日。
謝小姐於是盡量記錄過去十日所到之處，早午晚量體溫，取消牙醫預約等。惟她持續發燒，14日出現心口痛、呼氣有雜音及流鼻血等症狀。原本醫院當日安排救護車接她入院，但之後又因太繁忙改為轉介她給社區醫生。
社區醫生指她有齊武漢肺炎症狀，但因政策改變，當時要入院才能為她做測試，但必須是呼吸急促的病患方能入院，「他說如果呼吸短促，由一間房行到另一間房都扯哮再打111求助。」最後醫生只能處方抗生素，稱希望她服用後自行痊癒。
後來謝越感呼吸困難，即叫丈夫送她入急症室，「成個急症室有小朋友，又九成人無戴口罩。我見到有個牌寫住Coronavirus 111 pod（接待武漢肺炎患者專櫃），於是周圍搵，問咗好多人都無人知喺邊，最後有人答我：個pod唔知今日仲喺唔喺度呢？」
最後因爲無法取得任何指示，她決定回家自救，「呢刻我知道而家唯一出路只有自救，返到屋企開熱水浸鹽浴，逼自己食同飲水，唔想吞都要吞，唔想瞓都要瞓。家人教我開音樂唸南無阿彌陀佛，練習深呼吸，唔睇新聞，保持心境開朗，咩古老方法都用晒。」
燒足七天至18日，謝終於退燒，但目前吸氣稍為用力仍會引起猛咳，無法談話。抗生素已服完，現只服用由香港帶來的幸福傷風素，聊勝於無。她仍憤慨不已：「成個過程不停叫你做問卷，講三個電話用咗四個鐘，去到醫院又無指示又無人理。」
她批評英國的醫療制度官僚且缺乏人性：「就算係後生，一有起咩事上嚟無人會理你，乜支援都無，點頂？我依家就確係有咁嘅經歷，想問上咗年紀、有長期病患嗰批點算？」
不過她暫不打算返港：「唔想播毒，我仲要好返，萬一老爺奶奶有咩事要留喺度照顧佢哋。我亦盡量唔去諗後遺症呢樣嘢，而家呢個時勢無人會同我睇。」
-----------------------------
讀果上架
來源 source: http://hk.entertainment.appledaily.com
|
鍾意就快D Share啦！
|
|
|
