掃呢頁CODE去手機

2020年3月23日 星期一

張達明:張達明冇信心落百級樓梯 畀發哥「的」落山 #周潤發 #張達明 #發哥

原來有啲咁嘅事!面對「活一天賺一天」的日子裏,張達明很努力發掘身邊美麗的人和事,「好美麗」成為他近年的口頭禪。美麗可以如巨星周潤發,義務化身成達明的健 ...




原來有啲咁嘅事!


面對「活一天賺一天」的日子裏,張達明很努力發掘身邊美麗的人和事,「好美麗」成為他近年的口頭禪。美麗可以如巨星周潤發,義務化身成達明的健身教練,經常邀他行山,希望令達明體能慢慢恢復。


達明很感謝這位「神級」教練,令他克服自己的怠惰,並指行山時發生不少趣事,近日便上演一幕山上「求救」事件!他笑言:「上星期發哥帶我哋行山,點知落斜係幾百級樓梯,仲要冇扶手,我真係冇信心行,唔肯行落山!大家幫我諗咗好多方法,連叫直升機都諗埋,要千幾蚊,但可惜到唔到。最後有一個高人,捉住我頸後嘅衫,好有耐性咁『的』住我,且行且跳咁落山,過程非常複雜,係一件令我好感動嘅事。」雖然他不肯說「高人」是誰,但好明顯有能力捉住達明「跳」落山,只有周潤發一個。


談到圈中好友,達明很感謝吳鎮宇與谷德昭等無言關懷,並自爆當年簽約周星馳旗下3年獲益良多,但有遺憾:「佢教咗我好多嘢,不過,亦有一啲令我感到可惜嘅事。第一件係去寧波拍《長江7號》,當時坐私人飛機,同佢喺機上度咗好多嘢,但去到現場,做咗好多個都唔係咁好,最後佢叫我返香港,話度吓先,結果冇搵過我,好失望!另一件係曾經同星爺一齊策劃、監製舞台劇,連12場紅館都Book埋,點知最後搞唔成,好希望之後再有機會同佢合作。」



來源 source: http://hk.on.cc
鍾意就快D Share啦!