網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2020年3月29日 星期日

【武漢肺炎】不敵「官狀」病毒 40年歷史僑冠上海理髮店結業 #新型肺炎 #武漢肺炎

【新增內容】武漢肺炎疫情令百業蕭條,連屹立北角40年的上海僑冠理髮店亦不敵疫情被迫結業。「做咗30幾40年...,其他(上海舖)都死晒」,操一口上海口 ...




【新增內容】

武漢肺炎疫情令百業蕭條,連屹立北角40年的上海僑冠理髮店亦不敵疫情被迫結業。「做咗30幾40年... ,其他(上海舖)都死晒」,操一口上海口音廣東話的高老闆感嘆。資深的理髮師傅無奈稱:「(特首)林鄭月娥,點解唔幫下我哋。幫咁多行業,又唔幫我哋。」

曾有不少名人幫襯、位於北角渣華道72號的上海僑冠理髮店開業近40年,全民保育行動發起人袁智仁在facebook貼文稱,理髮店原本以往周六、日,平均約有100多人光顧理髮,但疫症下跌至30多人,生意大跌三分之二,老闆不停蝕錢下,政府對他們毫無援助,無法捱下去而唯有結業。

老闆嘆生意大跌三分之二:冇本錢蝕呀

《蘋果》下午到該店向老闆了解。高老闆指,僑冠明日(30日)起將會正式結業,今日為最後一個營業日,將開門至黃昏6時,「聽日開始我都冇話事權,交畀業主」。他指該舖位租金不算貴,每月約7萬元左右,惟因肺炎肆虐,生意大跌三分之二,「冇本錢蝕呀!呢個疫情蝕得太多⋯⋯如果仲有三分二(生意)我都做落去」。

高老闆又指,過去兩個月平均每月蝕至少4萬,至3月終感「頂唔順」決定結業,「可惜都冇用,慘都冇辦法⋯⋯冇得返轉頭㗎喇!」他稱,未來不會考慮再「重出江湖」,自己亦唯有「打份工」維持生計。

袁智仁的fb貼文引述高老闆稱,他從事髮事業超過半世紀,是這間有39年歷史的上海理髮店第二代接班人,卻亦是最後一位掌舵人。文中引述該高先生稱,不少名人亦屬該店客人,「我13歲就幫郭得勝剪頭髮,連其士集團創辦人周亦卿,歌手呂珊也是我的顧客。」文中亦稱僑冠是上海理髮界的龍頭店,設有女禮賓部,吸引不少海外遊客幫襯。

此外,僑冠的裝潢亦保留80年代設計,華麗亦具特色,如從1樓登上2樓的女賓部,會經過紅色樓梯及用鏡子砌成的五花十色燈飾,恍如走進電影「花樣年華」的場境,店內3張日本理髮椅子亦是60年代產物,當年一張售價達8,000元 ,現時已經成為珍貴的古董。

年青顧客:上海舖師傅功架好 亦是傳統文化

最後一天營業的僑冠,今日店內熙來攘往,客人要排隊等候理髮。居住在新界的吳先生專程來光顧,「都喺到剪咗幾年,想剪最後一次」。與普通理髮店相比,吳先生認為上海舖師傅功架較好,亦不認為老一輩才會到上海舖理髮,「唔會覺得呢到老,而我後生(來理髮)會係一件突兀嘅事」,在該店結業後,更仍會嘗試尋找上海舖理髮。他又指,該店師傅大部份都已上年紀,即使不受疫情影響「可能幾年後佢哋都退休」,故認為結業「冇話可唔可惜」。

到僑冠理髮已2年的熟客葉先生指,這裏除了價格相宜外,師傅手勢亦較好,故自己會固定來光顧。他稱,上海舖現時已買少見少,同時是傳統香港文化的一部份,如上海舖消失,感覺市區面貌「少咗啲嘢咁」。葉又指,小時候在該區上學,經過僑冠時都會「覺得好得意」,但一直都沒有光顧過,「反而大個出嚟做嘢先嚟」,而在僑冠結業後,自己仍會尋找其他上海舖理髮。

葉續指,上海舖對年輕一輩而言可能會有神秘感,但剪過後會發現是傳統文化的一種展現,加上現時潮流流行剪「油頭」,形容上海師傳正是剪該髮型的佼佼者,很多外國髮型師都是跟他們學師。

-----------------------------

讀果上架

僑冠理髮店內不乏資深師傅。朱永倫攝


僑冠是上海理髮界的龍頭店。朱永倫攝




理髮店裝潢亦保留80年代設計,理髮椅子亦是早年產物。朱永倫攝


店內設計恍如走進電影「花樣年華」的場境。朱永倫攝


理髮店裝潢亦保留80年代設計。朱永倫攝


屹立北角40年的上海理髮店亦不敵疫情被迫結業。朱永倫攝


葉先生指,僑冠結業後,自己仍會尋找其他上海舖理髮。朱永倫攝


吳先生認為上海舖師傅功架較好,亦不認為老一輩才會到上海舖理髮。朱永倫攝



鍾意就快D Share啦!