網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2020年3月29日 星期日

陳婉衡:兼職吊命遇政府新措施 陳婉衡健身班冚旗 #陳婉衡

今次真係見財化水!有樣有身材的無綫「咪神」陳婉衡(Alycia)最近自我增值,以過萬元考取運動教練牌,可以私人教授學員做運動,賺取過萬月薪,她更在陳庭 ...




今次真係見財化水!


有樣有身材的無綫「咪神」陳婉衡(Alycia)最近自我增值,以過萬元考取運動教練牌,可以私人教授學員做運動,賺取過萬月薪,她更在陳庭欣(Toby)與男友楊振源(Benny)投資的健身室「掛牌」,教學員做運動,以她有前有後的質素,當然成為「紅牌阿姑」,登上最多男生報堂的「女神教練」熱榜,收入亦隨報堂勇躍而大增。


Alycia一心諗住這個收入可以幫助她過度這個工作淡市期,因為在新冠肺炎影響下,大班演員的演出工作減少,她以為這份兼職可以在淡市中殺出血路,怎料昨日政府再出新例減少群眾聚集避免疫情擴散,連健身班都要停開,Alycia開闢搵錢之路可謂一波三折!


如意算盤打唔響,昨日問到Alycia可覺慘情?她說:「都冇計!唔止我一個係咁,影響到好多人,惟有自己慳啲,食少啲囉!好彩我都食得好少!」有關學員的需求,她亦很貼心照顧得到,她說:「我會拍多啲運動片,放上網畀啲學員可以喺屋企做運動,希望過咗呢兩個星期,疫情可以過,大家就乖乖哋留喺屋企,我哋快啲可以過冇口罩嘅生活。」


雖然政府殺出新例,但Alycia覺得都應該,因為確診數字急升,大家都要小心,早前她和大班學員上運動堂,大家都保持距離,唯獨做運動就不能戴口罩,就連Toby和男友Benny都齊齊上堂。Alycia帶領他們進行核心肌肉訓練,隨着音樂節拍,不停趴低起身,運動量極大,Toby笑說:「男友最愛做運動,我最近少咗,都要操番,所以咪一齊玩吓!(你都好有潛質做教練?)都想㗎!遲啲想去考牌,跟Alycia一樣教Core Training!」


本身是健身院代言人的Toby,面對Alycia,她亦步步追貼,接近一小時完堂後,她與Benny亦氣喘趙躺着,不過,她事後受訪大叫爽。問到請了星級教練令健身室於疫情下仍其門如市?Toby說:「我哋請咗幾位星級導師,好似黃榕、陶枳樽,依家物色緊李君妍,仲有Model界男神,其實做教練係唔簡單,除咗考牌之外,男嘅要型、女嘅要索,仲要跟學員溝通,今次我上Alycia個班,氣氛好好。(搵君妍係想開功夫班?)考慮中。(Alycia個女神堂好爆?)係呀!不過都有好多女仔羨慕佢身形嘅!」



來源 source: http://hk.on.cc
鍾意就快D Share啦!