網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2020年3月29日 星期日

【頭條獨家】唔使宣傳 閉關太耐好口痕 林保怡約友飲茶開「Talk show」 #林保怡

林保怡日前相約友人去西貢市中心飲茶,邊食邊發表偉論,把口幾乎冇停過。
【頭條獨家】唔使宣傳閉關太耐好口痕 林保怡約友飲茶開「Talkshow」林保怡日前相約友人去西貢市中心飲茶,邊食邊發表偉論,把口幾乎冇停過。林保怡(B ...




唔使宣傳閉關太耐好口痕 林保怡約友飲茶開「Talkshow」林保怡日前相約友人去西貢市中心飲茶,邊食邊發表偉論,把口幾乎冇停過。林保怡(B ...




【頭條獨家】唔使宣傳 閉關太耐好口痕 林保怡約友飲茶開「Talk show」



林保怡日前相約友人去西貢市中心飲茶,邊食邊發表偉論,把口幾乎冇停過。

林保怡(Bowie)早前再跟ViuTV合作,為新劇《歎息橋》兼任監製和演員,雖則在港播放日期還未定,但早前他已宣佈劇集會於本月28日率先於內地網啟播,無奈新冠肺炎疫情持續,暫未能返內地宣傳的 Bowie,近日只好匿喺屋企做「宅男」。除了於社交網Throwback吓旅行相,得閒又化身「煮飯佬」騷廚藝,早前 Bowie留言:「食不言寢不言語。」惜他卻自打嘴巴,日前他相約友人去西貢市中心飲茶,邊食邊發表偉論,見Bowie把口冇停過,相信都係「閉關」太耐,口太痕!採訪:張詠森

食飯期間,把口冇停過的林保怡講到手郁郁。
食飯期間,把口冇停過的林保怡講到手郁郁。
林保怡與友人離開時都戴番口罩,保護自己和他人。

林保怡與友人離開時都戴番口罩,保護自己和他人。

現年54歲的林保怡於2011年約滿無線後,便主力於北京、上海拍劇和電影,成功打開內地市場,仲賺到盤滿砵滿!可惜5年前,因呼吸系統出現問題,他便將基地搬回香港,間中有Job才北上;而近期,繼2016年演出劇集《瑪嘉烈與大衛》系列後,Bowie再度跟ViuTV合作,為新劇《歎息橋》兼任監製及演員。該劇後期早已完成,雖然ViuTV方面仍未公佈播出日期,但內地優酷網則於上周六搶先播出。

落街食飯

由於新冠肺炎疫情持續,不少藝人都選擇留港「避炎」。早前Bowie和拍檔周家怡惟有透過網上直播節目《好好吃飯》做宣傳,未料節目中,他因為在一個「蝸居」中下廚,而被內地媒體誤傳經濟拮据住細屋,事後Bowie亦已向傳媒澄清:「間屋係節目組搵嘅,唔係我屋企,我兩年前已經喺西貢買咗間近海望山嘅屋」其實出入都以名車代步的他,荷包可謂脹卜卜,近年仲開埋影視製作公司,而日前趁唔使開工,Bowie就相約友人到西貢市中心食Lunch。

點心未嚟之前,林保怡的個人「Talk show」已展開序幕!

點心未嚟之前,林保怡的個人「Talk show」已展開序幕!
林保怡於用餐時繼續講,口水係咁噴會否交叉感染㗎?

林保怡於用餐時繼續講,口水係咁噴會否交叉感染㗎?

邊食邊傾

當日下午1時許,二人在碼頭旁邊的海鮮酒家飲茶,雖然一盅兩件冇夾餸食飯咁大風險,但見Bowie好似開籠雀咁,全程講嘢多過食嘢,講到肉緊時仲指手畫腳,睇見啲口水係咁噴,唔知同枱老友有乜感想呢?好在其老友都明顯是個Good listener,一邊低頭密密食一邊靜心聆聽,最後掛住吹水的Bowie應該都食唔飽,埋單兼打包返去繼續食。離開時,兩人都乖乖地戴番口罩,途中撞到兩個老街坊,他都好Nice地停低傾兩句,講夠又登上坐駕駛返屋企,繼續「閉關」。

其間講到口乾,林保怡即飲番啖茶,舒服晒。

其間講到口乾,林保怡即飲番啖茶,舒服晒。
回程時撞到老街坊,拎住外賣的林保怡停低傾兩句。

回程時撞到老街坊,拎住外賣的林保怡停低傾兩句。
愛車之人林保怡曾被拍得揸法拉利、林寶堅尼開工,今次落街食快飯就以Benz代步。

愛車之人林保怡曾被拍得揸法拉利、林寶堅尼開工,今次落街食快飯就以Benz代步。
林保怡邀得(左二起)伍詠薇、周家怡、衛詩雅及談善言等演出ViuTV愛情懸疑劇《歎息橋》。

林保怡邀得(左二起)伍詠薇、周家怡、衛詩雅及談善言等演出ViuTV愛情懸疑劇《歎息橋》。
林保怡為主演的新劇《歎息橋》首次擔任監製,製作過程中凡事親力親為。

林保怡為主演的新劇《歎息橋》首次擔任監製,製作過程中凡事親力親為。
去年初,林保怡拉大隊到歐洲拍攝《歎息橋》,台前幕後合作愉快。

去年初,林保怡拉大隊到歐洲拍攝《歎息橋》,台前幕後合作愉快。
疫情嚴重冇得出街,林保怡唯有在家中玩吓煮飯仔,消磨時間兼Po上網呃Like,有次仲留言:「食不言寢不言語。」

疫情嚴重冇得出街,林保怡唯有在家中玩吓煮飯仔,消磨時間兼Po上網呃Like,有次仲留言:「食不言寢不言語。」
而早前林保怡又跟周家怡亮相網上直播節目做宣傳,兩人更即席大騷廚藝。

而早前林保怡又跟周家怡亮相網上直播節目做宣傳,兩人更即席大騷廚藝。

鍾意就快D Share啦!