唔係掛，先開咗工兩個星期咋喎！
內地女星關曉彤上月中已火速投入新劇《嗨，什剎海》的拍攝工作，無懼疫情搶閘開工嘅劇組就被拍得現場工作人員大多都沒有戴口罩，關曉彤又被拍到唔戴口罩兼隨手挖眼屎，即被質疑現場衞生情況是否達標。點知開鏡冇幾耐，關曉彤近日被大陸媒體拍到現身醫院，更加現身「發熱門診（發燒門診）」，真係嚇死人喇！
當日戴黑色漁夫帽、墨鏡嘅關曉彤，戴住口罩包到實現身，佢同母親從居住嘅酒店出發，去到醫院落車時，關曉彤就同母親行前，與身後兩位工作人員約有7、8米距離，而母女二人都隔成一米多，眾人仲直接行去發熱門診排隊等候，之後一位女護士同關曉彤父母傾咗幾句，就引導佢哋至傳染門診樓。睇完發熱門診後，關曉彤一行人又喺護士的帶領去到急症室，睇完就上車，不過期間就見到劇組工作人員搬咗幾桶水上車。
今次關曉彤喺非常時期現身醫院，仲要睇埋發燒門診，加上無啦啦搬水上車，即令網友聯想唔通關曉彤發燒燒到要自我隔離？不過事後關曉彤方面回應事件，指目前關曉彤健康狀況良好，當日是配合當地例行檢查。
來源 source: http://hk.on.cc
|
鍾意就快D Share啦！
|
|
|