【咁都得】發噩夢被性侵 張若希爆喊捽傷眼角膜
唐韋琪(Vikki姐姐)的16歲女徒弟張若希因為有三百度近視再加二百幾度散光，晚上要配戴矯視隱形眼鏡睡覺進行矯視，豈料前晚她發惡夢，夢中大哭，不知不覺捽損了左眼的眼角膜，嚇到張媽媽昨早馬上帶她看眼專科，經醫生檢查後證實左眼的眼角膜出血，微絲血管爆裂，幸而醫生表示不用太擔心，滴五至六日眼藥水就會痊癒，但要以紗布保護左眼，以免再受傷。
若希表示：「個惡夢真係好恐佈㗎！係有兩個男人摸我呀！喺夢裡面媽咪竟然同我講『唔緊要』，夢裏我又驚又唔開心到大哭，喊到係咁捽眼，我第二天除隱形眼鏡時因為眼睛好乾，要用吸管將隱形眼鏡吸出嚟，鏡片與眼角膜磨擦，令眼角膜再次受傷流血，紅咗一片。」
由於若希還要出席多個活動，Vikki姐姐建議取消所有活動，若希卻反過來安撫大家：「我話唔使擔心，我包著紗布就可以，唔可以因為少少受傷影響影響工作，我好捱得痛㗎！」
今年唸中五的若希，快將於周三（27日）學校復課，她坦言放咗咁耐都心散了，要開始收拾心情準備返學：「最緊要做齊功課，同埋要搵番校服出嚟，上一次返學仲係冬天，𠵱家要換夏季。4個幾月冇返學，習慣瞓到好晏又出去做宣傳訪問，日日都好似假期咁開心，突然要咁早起身返學真係有啲沉重囉，返學後我會繼續唱歌，唔會放棄」
來源 source: http://hd.stheadline.com
|
鍾意就快D Share啦！
|
|
|