蘇志威與劉小慧都是有愛心愛動物之人，家中有養貓和狗，之前也升任做馬主，更視一班寵物為仔女。去年劉小慧在社交平台透露，一直希望飲杯「新抱茶」，為11歲的高加索愛犬bearbear找個老婆開枝散葉。經過兩個月的相睇，去年11月為bearbear找了一位靚老婆，是5歲拉布拉多犬，名為Beannie。蘇志威和劉小慧更認真得很，穿上整套禮服過大禮，帶備很多犬隻的補給品作禮物。
不過今日傳來壞消息，新婚不久的bearbear已「畢業」，離世走到彩虹橋，劉小慧在社交平台公佈犬兒的死訊，她表示招親後一個月，bearbear患上肺炎，病情不嚴重，但卻未能根治。她強調是傷心，但會強忍淚水：「過往的我很怕面對生離死別，之前有隻狗仔小腳板走咗，我都會喊足三日三夜。但今次我仍是會憂傷，但我學識放開，因為我知道bearbear都想我哋開心快樂，唔好為佢傷心。多謝bearbear這11年來的陪伴，睇住你同Ina一齊長大，時間過得真係好快。每次返到屋企都見到你嗲嗲貢，挨身挨勢想問攞嘢食，又唔知自己牛高馬大，回想起這個畫面都感到溫暖。」
她表示雖然有哭過，但bearbear在家人陪伴下在家中離開，已沒愧疚和沒有遺憾，而她感謝一班網民粉絲一直關心和陪伴，相信日子不會太難過；而蘇志威則更堅強，此刻他在整理bearbear生前的片段。幸好之前招親時，bearbear影了很多靚相，為他們一家帶來無限美好回憶：「大家真係要珍惜每分每秒相處時刻，今日唔知聽日事。多啲留紀念，記住這份甜蜜，留住這份感覺。」
可惜他們的大女Yumi仍在日本進修，未能送bearbear最後一程，小慧寫道：「我朋友建議了一種方法，讓我帶他（牠）回家，繼續留在我們的身邊，陪著我們到老，稍後如果有機會就同大家分享。」最後她更寫出歌詞作為送給bearbear最後的禮物：「留住這一刻，一分一秒，如同伴你一起，一生一世。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
