藝人張沛樂（沙律）同組合ERROR成員吳保錡爆出戀情後，負面新聞不停，繼之前男方被爆同當年正印女友賴嘉賢（Carrie）未搞清楚關係之外，又有聲稱係男方前度女友K小姐，指男方經常出軌！
今日再有聲稱係受害者、擔任健身教練嘅女仔「zurichxss」，喺社交網稱遭男方傷害：「吳保錡先生，點解你有女朋友都可以約我甚至約上床？仲要拍咗我片，你傷害嘅唔止係Carrie，仲係一個唔知你有女朋友嘅人。偷食嘅感覺好嗎？我唔介意你當我係玩具，但你背住Carrie約我，令我感到十分內疚。」Carrie曾指上年11月突然「被分手」，而健身教練就留言問：「上年10月你知唔知自己有女朋友？」佢仲Tag埋吳保錡個名，直指男方喺有女友下仍然約其他女仔。
翻查「zurichxss」社交網，見佢經常上載性感健身同泳衣相，而去年11月更上載同男方合照，更以一黑一白服裝示人，襯到絕！
東網聯絡上保錡現任女友沙律，佢表示：「我哋一致唔回應啦，唔想呢件事再發酵落去。」
來源 source: http://hk.on.cc
|
鍾意就快D Share啦！
|
|
|
