2020年對許廷鏗（Alfred）來說，在頒獎禮上是豐收的一年，他早前接受車淑梅港台節目訪問，笑言獲獎至今心情依然興奮，並透露會將獎項與家族成員分享拍照留念，而許爸爸亦有四處宣揚兒子是全港第13位獲得此殊榮的歌手，但話雖如此，Alfred在2017年離開星夢後，自此成為大台「失蹤人口」。曝光少了，Alfred直言感到後悔。他直言：「最後悔嘅事係我啲歌迷喺電視台搵唔到我，以為我只係做牙醫消失於樂壇，其實我依然雙線發展，繼續堅持做好我嘅廣東歌。」
節目中，他還首次表示因為與同事涉及金錢問題而決定離開星夢：「當時我考慮咗半年，因為我同一個同事發生咗一啲磨擦，牽涉到金錢問題，如果要合作信賴，我必須坦白講出嚟，高層後期先知道呢件事，而當時冇好好處理。今次係我第一次咁仔細去講離開公司嘅原因，並非想說明自己受咗委屈，其實我對所有幫助過我嘅人冇任何仇怨同不滿。」
與欣宜份屬「異父異母低能巨孖寶」的Alfred，對於欣宜明年即將繼承肥姐留下約6,000萬遺產，車淑梅問到Alfred可有提供理財秘技？Alfred直言： 「做朋友唔講錢銀嘅，其實佢冇大家想像中咁揮霍，大家平日見到佢咁艷麗係錯覺嚟㗎！佢比我更加貼地，可能會因為一碗30蚊嘅水餃而開心。當然佢都好識得享受，我哋10周年紀念嘅時候，佢請咗米芝蓮一星大廚上門煮飯（一齊食），好食到喊！其實我唔擔心佢理財，甚至佢比我更加精明。」
Alfred還表示欣宜教了他不少「做人的道理」：「以前我遇到啲唔友善嘅傳媒我會落閘，佢教訓我『人哋都係工作，大家都係同行，採訪你係因為你有價值。』其他人講我會以為佢唔明白我，惟獨佢講我冇得反駁，全港嘅藝人有邊個由細到大受壓力比佢多？」提到兩人的感情，Alfred坦言：「我哋喺對方面前冇糖衣包裝，唔係男女朋友嗰種，我哋係親人，我視Joyce係姐姐。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
