藝人胡杏兒早前接受大陸訪問節目除咗分享對老公李乘德（Phil）外，仲罕有提起雙親！杏兒8歲時父母離婚，自小佢就同兩個家姐跟隨爸爸生活，佢被問到同生母多唔多聯繫時，佢坦言以前比較多啲，再嘆一口氣話：「她也是一個命挺苦的人，她現在有了腦退化，不怎麼認得人。」
正佗第3胎嘅佢，似乎難以釋懷，表示唔能夠理解媽媽當時拋棄佢哋嘅行為：「她很年輕嫁給我爸爸，22歲生了我大姐，26歲生了我，就3個女兒。我覺得可能當時我們也沒有像現在，有甚麼阿姨、保母，都是她自己帶，可能這也折磨到她。」並覺得對方可能唔甘心咁年輕就將一生奉獻畀孩子，加上爸爸不解溫柔，唔識氹老婆：「一不開心，就我媽也找了另外1個人。」
雖然佢都為生母講吓好說話，但坦言自己就唔會捨得放棄3個小朋友，加上做咗媽媽就有責任：「要麼你不要生，你生了這就是你的責任嘛！但相對來說，她也失去了跟3個女兒的……親情。」最後佢覺得生母患上腦退化可能係一個解脫：「不記得好，記性太好反而更痛苦。」
來源 source: http://hk.on.cc
|
鍾意就快D Share啦！
|
|
|
