同居試婚唔玩二人世界 30歲林秀怡：肯同媽媽一齊住好好
林秀怡今日在將軍澳出席活動，她與鄧永健合作拍宣傳片並飾演人妻，她笑言終於到了適合做人妻的年齡，以前演學生及妹妹多了，現在再著校服也感覺尷尬，但自爆在宣傳片中也有以校服示人。
林秀怡透露經常在街市購物，問是煮得一手好餸？她笑稱：「男友冇食到嘔，佢都想我之後多啲下廚。」秀怡的男友梁啟政（Kevin）是TVB導演，二人拍拖4年，去年更一齊夾錢買樓，她決定今年10月會搬到大埔區與男友同居試婚，但當中還有秀怡的媽媽，她笑說：「佢肯同我媽媽一齊住，真係好好，好多男人都怕怕。我要求唔多，只希望另一半能保持乾淨，嘈交時忍讓一下我。」現年30歲的秀怡，透露與男友只試過一齊旅行時同住，笑言也是時候學習成為家庭主婦，問幾時結婚？她說：「希望兩、三年內嘅事。」
而秀怡最近忙於拍《開心大綜藝之暑假玩到盡》，因反應好預期拍足4集，她說：「最慘係會曬黑，第一次錄影時化妝，未埋位已經成身濕晒，被水沖到妝都甩埋好核突，相信化防水妝都冇用，下次索性唔化。（如何補救？）冇計，節目太多靚女女神，我做醜、做男仔該做嘅事，哈哈！等節目拍完再一口氣做美白。」
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
