藝人林秀怡、鄧永健今日（31日）於將軍澳出席活動，現場播放2人飾演精明夫妻的短片，秀怡透露平日愛行街市格價買餸，但自認煮藝一般，笑言男友未試過食物中毒。她又自爆10月將與媽媽及男友開展3人同居生活，她說：「我一直講過要同媽媽住，又想同男友過同居生活，好開心男友接受3人同住，慶幸佢咁好，因為唔係個個肯同女友嘅媽媽同住。」
與男友拍拖4年首次同居，秀怡心情緊張又興奮，但也擔心同住夾不來，最緊張洗手間的清潔，她直言現在似邁向家庭主婦階段。問到下一步是否計劃結婚？她希望2年後結婚。工作方面，她透露拍攝《開心大綜藝之暑假玩到盡》時自己愈來愈核突，因為她自行化妝但又冇防水化妝品，第一、二集妝容落水即溶，第三集決定不化妝素顏上陣，她說：「曬黑咗出斑，又冇化妝，似足外傭姐姐，算佢哋想我行醜路線，現場咁多女神級，我負責用力玩遊戲，等拍晒之後再做番facial同去斑。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
