古巨基不老保養秘訣靠老婆晚晚搽cream MC暗示紅館開個唱
古巨基音樂企劃「I Really Love To Sing」第二炮請來MC張天賦合唱《自我安慰》，今次找來80年代女神柏安妮的17歲寶貝女、新進演員許恩怡（Natalie）擔任女主角。昨晚基仔與MC於IG開Live，MC坦言這次跟基仔的合作十分「夢幻」，因為從小便聽他的歌，沒想過竟然能夠有機會一齊合作，他更賣口乖話：「睇番《飄流教室》個MV，直至《自我安慰》個MV，個樣其實係冇變過㗎。其實你有冇一啲保養嘅技巧？」
古巨基音樂企劃第二炮請來MC合唱《自我安慰》。基仔又有新作推出。柏安妮的女兒擔任MV女角。甜蜜過後最終分手收場。
基仔聞言MC還年輕，未有需要用到保養技巧，隨後卻靈機一觸，答道：「我知有一個保養技巧呀，就係娶一個會幫你保養嘅老婆呀！」MC隨即大笑，基仔續說：「因為我自己真係唔識保養㗎，每日古太臨瞓前或者我臨瞓前，會幫我搽晒啲面，排晒一支二支，我諗嗰度有四五六七支嘢咁啦，由右到左，古太會話：『你而家未洗面呀，咁臨瞓前就自己搽啦。』如果我洗咗面，佢就幫我搽囉。我真係唔識保養，但如果真係要問我嘅方法，就係搵一個幫你保養到嘅老婆吖。」
日前MC在演唱會上宣佈將會舉行演唱會，基仔代MC粉絲追問 : 「我睇報導寫，你嚟緊準備有一個新嘅演唱會呀 ?」MC回應 :「係啦 ! 日子就未確實公佈到啦。但係會喺一個都幾大嘅地方嚟既，會係我嘅一個個人演唱會，或者到時有你做嘉賓都唔定㗎。哈哈⋯我咩都唔講得住呀，大家期待下」
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
