2014年7月31日 星期四

[壹週刊 1273] 抽出底牌 離奇 做過鄺美雲莫鎮賢經理人 偲嫣 BB反面收場 鄺美雲,M1,




探熱針

抽出底牌 離奇 做過鄺美雲莫鎮賢經理人 偲嫣 BB反面收場

香港家長聯會會長李偲嫣( Leticia),常就香港教育及道德問題發表意見搞搞震,撐國教言論引起不少爭議。從來沒有交代過自己背景的她,原名李艷青( Lettie),九十年代做過鄺美雲、莫鎮賢及模特兒張沅薇的經理人,當年李偲嫣因處理錢銀事項出問題,與幾位合作藝人解約收場。由娛樂界踩到教育界,李偲嫣處事方法,繼續騎呢!

改中英文名

○七年改名的李偲嫣,年輕時在無綫做過臨時演員,九十年代更曾開過娛樂公司做經理人。

「李偲嫣以為改咗中、英文名就冇人記得佢!佢真名叫李艷青,做過 TVB,不過做唔起,之後去咗藝能唱片做幕後,因為同張耀榮個新抱好老友,對方介紹鄺美雲俾佢識,九十年代開始做埋經理人,搞咗間靈量創建娛樂公司( The Mactie Enterprises Limited),簽咗當時已經好紅嘅鄺美雲,仲有莫鎮賢同埋做模特兒嘅張沅薇。」知情者透露。

多年前轉戰珠寶市場,鄺美雲一樣做得有聲有色。

91年

廿幾年前嘅李偲嫣做莫鎮賢經理人,二人不時孖住出席活動。

當年莫鎮賢搞生日會,李偲嫣(右二)邀請了不少藝人出席撐場。

發現李偲嫣賬目混亂後,莫鎮賢、鄺美雲跟模特兒張沅薇聯袂一起舉行記者會宣布解約。

91年,港姐出身的鄺美雲出碟轉戰樂壇,當時李偲嫣是她的經理人。

唔夠老實

開公司大展拳腳,但經理人工作實際只維持一年多。

「九一年鄺美雲同莫鎮賢喺金鐘開記者會,宣布同李艷青解約,當時冇詳細交代原因,不過最令人有印象係記者會之後,李艷青搵人喺門口派傳單,話佢本人冇金錢問題,所以班記者再返轉頭問多鄺美雲一次,先知同佢解約原因係同佢唔夠老實有關。」

本刊聯絡到當事人之一的莫鎮賢,了解有關與李艷青合作一事。

「佢係我二十年前簽過嘅經理人,其實我認唔到佢,但重複去睇呢位李(偲嫣)小姐,確係同我以前經理人李艷青有啲似。我唔想品評佢而家所做緊嘅事,但講番以前,我呢個舊經理人有幹勁、辦事能力好好;只係簽咗合約後,發現同其他 artist一齊做嘅大陸 show,仲有合約都有問題,最後幾個藝人一齊提出解約,當時仲開過記者會,總之係透過律師,雙方 agree結束經理人合約。」

6月中,李偲嫣以「正義聯盟」成員身份,在政總絕食支持反

佔中。

捱餓 99小時支持反佔中,李偲嫣最後要入醫院吊鹽水,結束絕食。

財政混亂

李偲嫣現時是香港新力量傳播的公司董事,同時身兼基督教刊物《愛家週報》總編輯。去年,她自組「正義聯盟」反佔中,最為人所知是於旺角街頭,拖馬狙擊教師林慧思。

李偲嫣愛將「救香港救下一代」掛在口邊,但據了解,多次被入稟追數,亦曾破產,財政混亂。

「九三年佢俾個叫曾鳳雪(譯音)嘅人申請破產,九四年法院發出破產令。九一至九三年先後牽涉四宗民事索償案件,總之經常出入小額錢債審裁處。」知情者說。

去年林慧思粗口事件,李偲嫣以香港家長聯會會長身份,在旺角揸旗發動狙擊行動。

李偲嫣早前出席「爭普選」研討會,被市民質疑她個人品格。

李偲嫣早前又發起「食牛腩河撐狼英」,呼籲大家幫襯狼英食過的粉嶺欽記麵家,是超級梁粉。

李偲嫣瓣數多,也是立法會議員梁美芬的受薪教育顧問。

專做打手

當年因為錢銀問題,引致旗下藝人解約走頭的李思嫣,由娛圈踩入政圈後,變本加厲,極惹是非。

10年 曾任李國寶中學家長教師會主席的李偲嫣,召開記者會指控校內一名教師羞辱一名學生是狗,引起校內風波,最終被家教會罷免。

11年 帶頭發起「反《爽報》色情資訊行動」,批評《爽報》刊登情色及不良資訊。

12年 支持政府推行洗腦國民教育,又批評學民思潮成員絕食罷課行為激進。

同年,多次以香港家長聯會會長及反逆向歧視大聯盟發言人身份,公開反對政府就性傾向歧視立法,又稱遭匿名人士恐嚇要與她肛交。

14年 以召集人身份成立「撐警大聯盟」,邀請不同團體及民間組織加入,聲援警隊執法。



鍾意就快D Share啦!
Related Posts Plugin for WordPress, Blogger...