全知言
尋人 最想見番嘅娛圈失蹤人口？
大台來來去去都喺個班年過 30嘅小生花旦，睇到觀眾唔發火熄電視就奇，所以近排好興搵班大叔魔女復出。好似前排出番嚟嘅李麗珍、李若彤，仲吸引過班小生花旦。原來唔少人心入面都有個勁想佢復出嘅失蹤人口，你又想睇邊個？
梁先生：星爺
「想睇周星馳，因為佢啲戲實在太搞笑！希望佢出返嚟拍啲風格唔同嘅戲。」
陳先生：劉錫明
「佢失蹤咗咁多年，之前同周慧敏嘅緋聞咁轟動，後來又去埋台灣，唔知𠵱家點樣。想八卦下，屋企人都想知！」
Stacey：林熙蕾
「因為佢好有女神氣質，最深刻係同鄭伊健套《極速傳說》。想睇佢復出做媽媽角色，之前佢生咗 BB，可能佢嘅演繹會更有層次同味道！」
天堂鳥︱王祖賢、張敏、張曼玉
Tyrese
張曼玉啦，大家都公認佢係影后，而且呢幾年都好少作品，佢以前嘅角色可以好感性又可以好搞笑，好百撘！
Gordon
好鍾意『綺夢』張敏。以前覺得佢好靚，睇佢好似發緊夢咁，想佢出嚟俾番啲童年回憶我！
Lincoln
王祖賢，我對佢以前拍劇嗰種感覺簡直記憶猶新，每次睇《倩女幽魂》都覺得歷歷在目，好想佢出嚟演番戲。
趙勁皓︱李修賢
一定揀李修賢！我細個志願係做警察，而李修賢有好多關於警察嘅電影，我最鍾意係《化骨龍與千年蟲》，佢可以由嚴肅嘅警察變做搞笑，好勁！
詩雅︱彭羚
好想見到彭羚，佢唱歌太好聽，我成日唱佢首〈小玩意〉！我好敬佩佢，唱歌好聽，然後兼顧家庭亦好好，係個好嘅目標。
魯芬 BB︱麥翠嫻、徐寶鳳
我想好多老友復出㗎，例如麥翠嫻、徐寶鳳，仲有森森同斑斑，男仔就有梁小龍，佢哋都應該出嚟有時客串下，等大家多啲火花，香港又可以多番啲星光嘛！
黃芷晴︱戚美珍
想睇戚美珍，我本身識得三嫂（戚美珍），佢好 nice，知道佢以前拍好多戲都好靚，唱歌又好聽，想佢出嚟拍番戲同劇，同埋同我 jam歌！
|
鍾意就快D Share啦！
|
|
|
