2014年7月31日 星期四

[FACE 375] 咁都肯拍 美化慘案 護女開槍  Liddy為錢出賣家事 Liddy,李悅彤,MF,




屋漏偏逢連夜雨,啟晴邨槍殺一案疑兇原來係 Liddy父親,扶完靈盡孝道後,有傳 Liddy一直匿喺大陸,行蹤成謎。《蘋果日報》圖片

真面目

咁都肯拍 美化慘案 護女開槍  Liddy為錢出賣家事

背住李心潔偷食𡃁模李悅彤( Liddy)嘅彭順,死𦧲爛𦧲終於氹番老婆,李心潔亦復工,拍王維基網台重頭劇《風雲》。

至於 Liddy行蹤依舊神秘,不過有線即將開拍的新節目《大凶捕》中,梁思浩就話搵咗 Liddy重演啟晴邨槍殺案,擺明車馬抽水,竟將原本嘅慘案,改成父親護女而殺人嘅溫情版本。節目將於 11月 8日出街,梁思浩仲話現階段只差 Liddy嘅答覆,不過成事的話, Liddy就變相為錢而出賣家事,繼孭上「小三」罪名後,又加條多「不孝」罪名喎!







Liddy自孭上「小三」罪名,同時被揭父親就係啟程邨槍殺案主角,心情雙重打擊下,搞到要返大陸避風頭。

當日彭順被爆公然攬啜𡃁模李悅彤( Liddy),其後二人就各散東西,彭順飛返大馬箍煲, Liddy就潛水避傳媒。《蘋果日報》圖片

梁思浩為主持新節目《大凶捕》精心挑選角色,特登揀 Liddy演啟晴邨槍殺案女主角,講到明都係貪佢夠話題性,抽水果然有一手。

「酬勞唔會待薄!」

憑「殘厠 gathering」而響朵嘅 Coffee,都有被邀演出啟晴邨槍殺案嘅單元,不過佢𠵱家主力教瑜伽揾食嘅佢,對於演出仍然考慮當中喎。

有線將開拍的《大凶捕》標榜香港奇案,啟晴邨槍殺案就係其中一單元,為搶收視,角色人選都係精心挑選,好似 Liddy主演,廖啟智演其父親角色,連「殘厠 gathering」主人翁 Coffee都有份演一角,未開拍已經成功引來話題。萬事俱備,只欠東風,梁思浩回覆本刊說:「一路用短訊同 Liddy聯絡,佢有開條件,我都將佢要求傳咗畀有線高層決定。」而監製嘉華表示:「劇組暫時 mark咗 Liddy 4日拍攝時間,酬勞都唔會待薄佢,𠵱家等緊回覆,預計 8月尾開鏡。智叔就係因為睇完故事大綱覺得角色吸引而答應演出,到時仲會有突破性演出。」

Coffee:未睇劇本

多得彭順帶挈,寂寂無名的 Liddy升呢女主角拍攝電影《四非》,不過就係因為彭順,背住「小三」罪名。

而 Coffee承認有人搵佢參演,但就冇同 Liddy聯絡過,她說︰「我未肯定接唔接,亦未睇過劇本,只知道要拍 5日。」

自家中發生慘劇後, Liddy減少網上活動,除之前悼念父親外,最近只因為馬航事件出 post抒發感受,心情逐漸回復平穩。 Liddy會否出演啟程邨槍殺案一角仍係未知之數,不過孝字當頭, Liddy今鋪真係要三思而後行𠵱家慘劇變溫情小品,被殺者家屬澄清過受害者從不看娛樂新聞,絕冇可能因提及 Liddy被殺,好唔尊重喎!

案件一

原:啟晴邨槍殺案

啟晴邨槍殺案主人翁李德仁,先係樂晴樓 21樓公用走廊,槍殺居民廖啓忠,之後被居民認出後,被重重包圍的李德仁一度與警方駁火,最後吞槍自殺。

新:溫情父女劇

故事講一個位愛錫女兒嘅好爸爸,為咗保護個女而去殺人。

智叔演槍手老豆

廖啟智演技好眾所周知,監製仲話佢會有突破性演出,本週一,智叔在電話回應︰「我唔知喎,套劇係經理人傾,詳情角色都未知。」

案件二

1980年發生嘅荔景邨情殺案都係《大凶捕》其中一個單元,而陳彥行同有線主播劉明軒,將分別飾演案中被殺的姊妹花,故事大綱大致上與真實故事相同。

陳彥行

劉明軒

案件三

上年初轟動一時嘅藍可兒事件,亦成為《大凶捕》其中一單元的藍本,故事都有所修改,講述王喜飾演電影導演鋪排一單完美殺人事件,而鍾慧冰個女林靜莉(最新星二代喎!)就飾演藍可兒角色。

王喜

鍾慧冰、林靜莉

案件四

上年 11月係九龍城發生的女嬰疑似被大陸男女擄走,實情係案中媽媽殺完親生女後自編自導自演嘅慘案,由周家怡(由港視過檔咗!)扮演媽媽一角,男主角係轉行賣雞嘅李雨陽(都係港視人喎!),不過就變成亡嬰報仇嘅情節。

周家怡

李雨陽

Liddy最啱做咩角色?

「小三」角色,應該冇難度。

舞蹈員,近排興跳艷舞,但未必有馬賽跳得咁放。

空姐,話晒入行前做過「香港航空」。

普通市民,唔係發生咁多嘢,行過都唔認得佢。



鍾意就快D Share啦!
Related Posts Plugin for WordPress, Blogger...