瑪姬同鄭敬基做住朋友先： 睇吓有冇更好嘅會埋嚟
2014-07-30 20:30:00
瑪姬又話真係唔急，因為嚟得快去得可能都會好快喎。(攝影：藍文浩)
瑪姬、KellyJackie同馬嘉均傍晚喺上環出席一個慈善音樂比賽嘅評判，大會話籌到嘅善款希望可以幫內地一間學校重建。
同鄭敬基傳咗一輪緋聞嘅瑪姬，被問到同鄭敬基嘅感情有冇突飛猛進呢？佢就笑住答話：「冇呀，一直都差唔多，做住朋友先啦，不過將來嘅嘢冇人知嘅。」佢又笑謂：「可能係我衰啦，睇吓有冇更好嘅會埋嚟。真係唔急嘅，因為嚟得快去得可能都會好快。」除咗瑪姬之外，KellyJackie同前Rednoon成員馬嘉均都係比賽評判。
啱啱帶完班學生去寧夏交流嘅馬仔就話，喺當地去沙漠又睇駱駝，仲影咗好多靚相。佢話自己著重參賽者嘅感情同個人風格，佢話唔好扮人哋、做自己最緊要喎。
至於KellyJackie就話參賽者每人得兩分鐘表演，最緊要聲音可以感動到佢喎。KellyJackie就快參加一個武術比賽，項目係雙節棍，佢話噚日練咗足足7個鐘，仲打親自己後尾枕，即時倒抽咗一大口涼氣咁話喎。
馬仔(中)啱啱帶完班學生去寧夏交流。
瑪姬同同鄭敬基嘅感情冇突飛猛進。
KellyJackie
|
鍾意就快D Share啦！
|
|
|
