王璐瑤爆一線女星揼本力追
性感女星王璐瑤（LuLu）不忌諱談性，自稱曾遭靚仔男星拋棄的她不但對男人失去信心，接受本報獨家專訪時，更驚爆被圈中一線女星狂追猛溝，該名女星曾被一當紅男星飛甩而性向轉移！LuLu表示早前一位以活躍於影視圈的「Ｘ女星」，還用銀彈攻勢喪買名牌打動她的芳心。路遙知性向，LuLu強調只要有愛，一樣男女通殺：「愛包含性，男女我都冇所謂！」
王璐瑤雖然緋聞不多，但跟她傳緋聞的統統都是男星，她接受本報專訪時不諱言曾跟一位圈中型男拍拖，可惜無疾而終，令她對男人失去信心：「嗰件事唔想再提，分手令我情緒非常低調，男人太貪玩，我可以信幾多？」LuLu強調只要感受到被愛，其實男女都一樣，更驚爆被圈中一名「Ｘ女星」狂追！
約上屋企煮飯仔
LuLu指「Ｘ女星」追女手法層出不窮，令她招架不住：「我唔可以講佢係邊個，總之大家估唔到佢係Lesbian（女同性戀者），佢不時會送名牌手袋畀我，又會自製小禮物，唔單只成日約我食飯，仲會約我上佢屋企玩煮飯仔，真係幾細心，不過我仲未ready到一齊，要再相處先知！」據知，LuLu口中的「Ｘ女星」年約30多歲，活躍於影視圈，身材瘦削高挑，曾與圈中當紅男星拍拖，可惜掟煲收場。
談到性，LuLu化身性女滔滔不絕，表示只要對方愛她，男女又何妨？她說：「女人總係溫柔啲，愛包含性，男女我都冇所謂，最緊要係感覺，做嗰啲嘢（指性）大前提係唔可以影相同拍片，留喺心中咪得囉，近年發生咁多床照事件，我唔想自己成為主角！」LuLu更自爆中學曾與女仔拍拖：「我係讀男女校，當時有個師姐追我，我又覺得佢錫我，咪同佢一齊，但當時只係puppy love。」
大玩人肉水果餐
接受訪問當天，LuLu大玩「人肉水果餐」，自言零添加的她將葡萄、香蕉等水果擺上身，單靠Ｓ形身材做支撐，就算全裸上陣一樣冇say no，LuLu強調從不介意性感，最緊要健康性感，絕對不能「假大胸」：「我唔支持整容，自己鍾意將最真嘅一面騷畀人睇。」
王璐瑤Profile
年齡：27歲
三圍：32B-24-34
簡歷：處女作為無綫青春劇《當四葉草碰上劍尖時》，之後又接拍三級片《明媚時光》成為女主角，奠定性感女星地位。今年LuLu更在書展期間推出飲食書《美食週記》，連才女都撈埋。
攝影：倪立煌、張福宏
文：專案組
|
鍾意就快D Share啦！
|
|
|
