上週四（ 24日）馬賽喺電視城 Canteen開記者會交侍事件。期間回應仲有短片同相未曝光時候，不禁黯然落淚。《蘋果日報》圖片
封面
傳淫相益半百男藝人 64歲劉松仁護馬賽：佢夠勇氣
「純純兔」馬賽因硬搶富婆 Laura「老公」汪子琦搞到雞毛鴨血。復工無耐，以為可以順利過渡，點知上週突然流出一條馬賽着情趣內衣的視頻同艷照，令馬賽急發聲明話「很肯定是愛錯了」，仲話同前度關係係「前世今生注定的緣份」，引發汪子琦再數爆馬賽大話連篇。
馬賽形象破產無限期停工，而汪子琦接受訪問時更爆馬賽試過將曖昧短訊甚至短片傳畀一位年過半百的男藝人，當中以 64歲，同馬賽傳過緋聞的劉松仁最大嫌疑。
成為最大嫌疑男藝人，松哥唔單只冇左閃右避，反而氣定神閒撐馬賽：「佢都夠勇氣去面對！」
馬賽着情趣內衣跳艷舞片段，上週三（ 23日）曝光，片中馬賽喺鏡頭前騷首弄姿，佢喺記招話自己當時微醉，但汪子琦話佢因為體質過敏長期吃中藥，所以冇可能飲酒。
「在之前段關係中，我真心愛過且付出過，也盲目信任過，但經過種種傷害，我很肯定是愛錯了。」「純純兔」以剖白「純愛」企圖洗脫淫娃形象，不過此舉並無為佢洗脫罪名，反而引發汪子琦再爆大鑊：「是的，相機是她的！她回香港後曾經發過給我，但是我不肯定她只發給我一個人！因為曾經在新加坡就因為她發曖昧內容給一個年過半百的男藝人，我們曾經互相動過手……互相打了對方耳光。」
松哥：我哋有聯絡
汪子琦爆馬賽姣上一位年過半百男藝人，同馬賽合作過，又符合條件的男藝員有好多個，但真正同馬賽傳過緋聞的，係上年同馬賽喺《名媛望族》做父女、已年屆 64歲的劉松仁，當時已經傳馬賽因為姣媾劉松仁而獲加戲份。
週日（ 27日）松哥為新劇《華麗轉身》開工，從不肯回應記者埋身追訪的他，罕有地氣定神閒接受本刊訪問。
F：《 FACE》 劉：劉松仁
F：松哥最近有冇睇過馬賽啲新聞？
劉：冇，但聽過。
F：公司要佢停工一輪，有冇安慰下佢？
劉：唔知，我哋《名媛望族》有個（ chat） group，我哋有聯絡嘅。
F：有冇睇過佢條片呀？
劉：韓馬利有講話個女出咗事，咁我哋成家人都要畀啲支持佢㗎！
F：汪子琦話馬賽曾經 send過情慾短訊同片畀一個年過半百嘅男藝人，好多人估係你？
劉：冇！我收唔到。
F：拍《名》劇嗰陣，聽講馬賽對你好好，驚唔驚人懷疑佢冧你呀？
劉：懷疑？冇所謂啦，話咩都好我哋一家人都好好感情。
F：太太睇到呢啲新聞會唔會唔開心？
劉：私事嘅嘢我唔講。
F：覺得馬賽應該點面對呢？
劉：點面對？佢都夠勇氣去面對
而《名》劇飾演馬賽媽媽嘅韓馬利，亦力撐馬賽， Mary姐話：「我認識嘅馬賽係一個尊重長輩、好勤力嘅女演員。（傳聞佢 send咗段片松哥喎？）黐線㗎咩？冇啲咁嘅事，松哥點會收過？」
一人一句
馬賽自上週三流出艷舞片及裸照後，佢堅持自己因為愛錯人而成受害者。但佢前度 TB汪（汪子琦）同情敵富婆 Laura就加把嘴踩多兩腳。
馬賽：我很肯定是愛錯了！
汪子琦：我抵抗不了誘惑中了馬瘟，失去了這輩子最摯愛的人是我一生的痛！
Laura：不禁倒抽一口涼氣，鹹到成隻鹽焗雞咁，佢跳得幾專業囉，但真係好 cheap，乜都畀人睇晒，可以拍三級片，不過要睇佢冧掂邊個監製。
馬賽：佢當然係我曾經非常之親密嘅一個人，曾經好盲目信任一個人……你同一個好親密嘅人有親密行為，你相信佢一定會保護你……喺愛情入面冇分男女，我曾經為愛情不顧一切。呢個世界冇得後悔，做過嘅要承擔，我好肯定我愛錯嘅人。
汪子琦：那條片是那個人（馬賽）自編、自導、自演、親自架好她自己的相機拍攝的！我們不在一起時候，她曾自拍裸照發給我。你這個戲子不但無情！還更加無恥！就算被所有人罵我無品賤格，也要讓大家知道你是多麼奸毒！你丟盡了全天下女人的臉！
Laura：戲子就唔一定冇情嘅，但做得第三者就一定係。𠵱家咪做緊一套置諸死地而後生嘅戲囉。貪錢係毋庸置疑嘅，之前咪畀晒證據你哋睇囉！
汪子琦：我沒有傳送視頻給任何人或者傳媒，如果說謊，死×家，永生永世下十八層地獄！那個人間之毒，等天收！
Laura：一個開工，一個開心，如此醜陋不堪，那樣糾纏不清，讓人情何以堪！
Laura爆杏兒捉姦 大面 Bella自稱波波 B
馬賽繼續扮純，引發汪子琦同「前妻」 Laura聯手踢爆馬賽小三惡行。馬賽霎時間千沉百踩，冇工開、形象又插水，呢個時候竟然獲大台一姐在微博留言撐：「試想想，一個女孩子她究竟做錯了什麼，而讓她應得如此大的懲罰？試想想，一個女孩子，如果不是完全信任、完全愛對方，又怎麼會毫無保留地把自己身體的每一寸奉獻給對方？試想想，一個會這樣做的女孩子是有多蠢多無知……。」
邊個出面邊個死，杏兒撐馬賽即刻辣㷫有財有勢的 Laura。 Laura唔畀面胡視后，於微博留言爆胡杏兒捉過姦，「胡小姐，相信你都有捉姦經驗。試想想，如果『一個女孩子』用『毫無保留地把身體每一寸獻給對方』為手段，去勾引你的另一半，你還會做所謂的幫兇嗎？」
傳聞胡杏兒跟黃宗澤（ Bosco）拍拖時，就被《安樂蝸》鐵膽主持奀星「大面 Bella」（林穎彤）介入。 Bella由於知名度實在太奀，兼且主動唔錫身，成功埋到 Bosco身，大面 Bella甚至自封 Bosco女友，自己起花名「波波 B」，即 Bosco嘅 BB咁解。 Bella趁杏兒不在港而上 Bosco家同 Bosco短聚。對於是否曾被杏兒捉姦， Bella只透過 WhatsApp回覆：「完全不是事實，不發表意見。」
性商店老闆：情趣內衣好 common
高級性商店 Showtimes Lingerie老闆 Stefanie話，喺另一半面前着情趣內衣其實好 common，唔係馬賽嘅專利。 Stefanie推介一眾姊妹着一啲有 push up bra嘅情趣內衣，仲教大家上 YouTube學跳艷舞，加埋香薰按摩，學齊呢 3招，唐僧都頂唔順
誘惑 3寶 艷舞
Stefanie話想跳 sexy dance畀伴侶睇，可以去 YouTube搜尋著名艷舞女郎 Dita Von Teese。「佢係世界級，出名性感高貴，想挑戰高難度可以睇 Crazy horse。」
|
鍾意就快D Share啦！
|
|
|
