2014年12月26日 星期五

[忽然1周 - 1013] 「星二代」聽話去鳩嗚 鳩嗚,MW,




一入到舖頭,欣宜帶頭睇冷衫,黃芷晴(中)同唐貝詩亦唔執輸,揀埋一份。

媽咪姐

「星二代」聽話去鳩嗚

特首呼籲市民落區消費,唔少人即刻去鳩嗚,依家都停唔到呢!

上個禮拜,「星二代」 7條 queen齊齊去荃灣出席時裝活動,當日講到明同衫有關,佢哋幾個女仔一黐埋講時裝,就梗係傾到收唔到口。好戲在後頭,一完騷佢哋原來仲有下場,齊齊去附近掃貨。之前喺活動上面個個都好鬼斯文,不過一入到舖頭,即時四散。

欣宜率先去揀大冷衫,用嚟送禮,着得好單薄嘅王子涵,即場試褸,仲有唐貝詩去拎閃石手袋,個個忙到爆!搞足大半個鐘,卒之財散人安樂。

所以話呢!女仔買嘢真係陷入忘我境界㗎。

姜麗文揀咗 5件衫,俾錢嗰陣都忍唔住向王曼喜騷靚衫,滿足到佢吖!

王子涵唔算瘋狂,只係睇中運動型外套,即場試上身示範。但亮點梗係條事業線同纖腰



鍾意就快D Share啦!
Related Posts Plugin for WordPress, Blogger...